Tek er adamdardyń ǵana kirýine ruqsat etilgen kóptegen ǵıbadat keshenderi ornalasqan japon araly Okınosıma IýNESKO-nyń Búkilálemdik mura nysandarynyń tizimine engizildi, dep habarlaıdy Qamshy aqparattyq agenttigi moya-planeta.ru-ǵa silteme jasap.

Okınosıma araly Fýkýoka prefektýrasynyń ońtústik batysynda ornalasqan. Ondaǵy kóptegen ǵıbadat keshenderinde Japonıanyń ulttyq qundylyǵy sanalatyn 80 myńnan astam kóne jádigerler saqtalǵan. Bul aralǵa áıelder qaýymynyń kirýine ruqsat etilmeıdi.

 Er adamdardyń ózi jylyna bir-aq ret, 27 mamyr kúni aralda dinı festıvál ótkizilgende kiredi. Okınosımany bir ýaqytta 200 adam ǵana kóre alady jáne olardyń aralǵa barǵandyǵy týraly baıandaýǵa nemese araldan qandaı da bir zat alyp shyǵýyna qatań tyıym salynǵan. Qalǵan ýaqyttyń bárinde 700 sharshy metrdi qamtıtyn Okınosımada bir ǵana monah ómir súredi. 

Sholýshy: Aıgerim Taýbaı