Vedomstvo basshysy Eljan Birtanovtyń aıtýynsha, jaqynda dárigerler resepterin elektrondy túrde bere bastaıdy. Bul týraly Qamshy aqparattyq agenttigi 24.kz-ke silteme jasap habarlaıdy. Mundaı sheshim júıeni baqylaýdy jeńildetedi. Sondaı-aq naýqastar qajetti dári-dármekterdiń bar-joǵyn onlaın túrde teksere alady. Ol úshin arnaıy mobıldi qosymsha iske qosylady. Telefon arqyly preparattardyń standartqa saı ekendigin kórýge bolady jáne dárilerdiń shtrıh-kodyn engizip, jalǵan taýarlardy anyqtaýǵa da múmkindik bar. Eljan Birtanov, QR Densaýlyq saqtaý mınıstri: - Ár adam uıaly telefonyna mobıldi qosymshany júktep, dárigerlerdi ózderi tańdaı alady. Baǵdarlama arqyly habarlamalar jiberip, beıne baılanysqa da shyǵady. Kúzde analarǵa arnalǵan birinshi mobıldi qosymsha iske qosylady. Dáriger onyń arqasynda balanyń densaýlyǵyn onlaın túrde baqylaıdy. Jyl sońyna deıin qant dıabetine shaldyqqan azamattarǵa da baǵdarlama ázirleımiz-dep atap ótti.