QR Ulttyq qaýipsizdik komıtetiniń burynǵy basshysy Nartaı Dútbaevtyń isi sotqa joldandy, - dep habarlaıdy Qamshy.kz aqparattyq agenttigi Tengrinews.kz saıtyna silteme jasap. 

"N.N.Dútbaevqa qatysty qylmystyq isti tekserý aıaqtaldy jáne 2017 jyldyń 4 shildesinen Aqmola garnızonynyń áskerı sotynyń qaraýynda jatyr", - deıdi UQK ókilderi. 

UQK-niń burynǵy basshysyna qatysty is materıaldarynda memlekettik qupıalar bar ekeni aıtyldy.

Munyń aldynda Ulttyq qaýipsizdik komıtetiniń burynǵy basshysy Nartaı Dútbaev pen istiń ózge fıgýranttarynyń qamaýda otyrý merzimi uzartylǵany habarlanǵan bolatyn. 

Aıta keteıik, bul tulǵalarǵa qatysty tergeý qupıa túrde júrip jatyr. Nartaı Dútbaevtyń ustalǵany týraly 2016 jyldyń 28 jeltoqsanynda belgili boldy. Ol kezde Ulttyq qaýipsizdik komıtetiniń ókilderi burynǵy basshyǵa qatysty tergeý júrip jatqanyn málimdegen. Nartaı Dútbaev, Nurlan Hasenov jáne Erlan Nurtaev "Memlekettik qupıany jarıa etý" jáne "Bılik pen qyzmettik ókildigin asyra paıdalaný" degen kúdikpen ustalǵan bolatyn. Kúdiktiler UQK-niń tergeý abaqtysyna qamaldy. 

Eske salaıyq, Nartaı Dútbaev Ulttyq qaýipsizdik komıtetin 2001 jyldyń jeltoqsanynan 2006 jyldyń aqpanynan deıin basqarǵan bolatyn.