Qazaqstan Respýblıkasynyń Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtyna (ÁESI) Azıanyń úzdik 10 analıtıkalyq ortalyqtary qataryna kiretin qytaılyq aldyńǵy qatarly think tank – Shanhaı halyqaralyq zertteýler akademıasynyń vıse-prezıdent Ian Szen bastaǵan delegasıasy keldi dep habarlaıdy Qamshy.kz aqparat agenttigi.

Taraptar «Úlken Eýrazıa» keńistigindegi aǵymdaǵy geosaıası úrdisterdi, «Nurly jol» baǵdarlamasynyń júzege asýymen úndes «Bir beldeý – bir jol» jobasynyń damýyn, sondaı-aq, ÁESI men SHHZA ortaq ǵylymı jáne zertteý jumystaryn júrgizý múmkindikterin talqylady.

SHHZA ókilderi 2017 jyldyń qarasha aıynda ótetin kezekti «Astana klýb» otyrysyna shaqyryldy. ÁESI dırektory Erjan Saltybaev atap ótkendeı, «Astana klýb» dıalog alańy aıasynda búkil álemniń, sonyń ishinde Azıanyń aldyńǵy qatarly analıtıkalyq ortalyqtary sarapshylarynyń birlesip jumys isteýine jaǵdaı jasaý ÁESI úshin Elbasy Nursultan Nazarbaevtyń strategıaly-ıntegrasıalyq jáne gýmanıtarlyq bastamalaryn jahandyq deńgeıde nasıhattaý jumysyndaǵy basym baǵyt bolyp tabylady.