Aýǵanstannyń Farah provınsıasynda «Talıban» radıkaldy qozǵalysynyń qarýly toptary jolaýshylar mingen avtobýsqa shabýyl jasap, nátıjesinde 7 adam qaza boldy. Bul týraly Qamshy.kz aqparat agenttigi politoboz.net málimetine súıenip habarlaıdy.

Oqıǵa Bala Balýk okrýginde boldy. Tálipter jolda ketip bara jatqan avtobýsty toqtatyp, onyń ishinen 7 adamdy alyp shyǵyp, atyp tastaǵan. Osydan keıin sodyrlar Farah pen Gerat qalasy arasyndaǵy tasjoldy jaýyp tastaıdy. Qaýipsizdik kúshteri dereý operasıa júrgizip, 10 sodyrdyń kózin joıady.

Aıta keteıik, sońǵy ýaqytta negizinen aýyldy jerlerde yqpaly kúshti «Talıban» radıkaldy qozǵalysy iri qalalarǵa shabýylyn jıiletken. Osymen qatar «Irak jáne Levant lańkestik uıymynyń» sodyrlary da bılikke qarsy lańkestik áreketterin kúsheıtken.

Sholýshy: Aıgerim Taýbaı