Búgin Astana qalasy  «Otan Ana» Otan qorǵaýshylar alańynda Qazaqstan Respýblıkasy  Ulttyq ulany 3660  áskerı bóliminiń 80 jas shaqyrylym jaýyngerleri saltanatty túrde Áskerı ant qabyldady dep habarlaıdy Qamshy.kz aqparat agenttigi.

Saltanatty Ant qabyldaý sharasyna Ulttyq ulan Bas qolbasshylyǵy, ózara is-qımyl jasaıtyn organdardyń, Astana qalasy ákimshiliginiń jetekshileri, sondaı-aq din ókilderi, ardagerler jáne sarbazdardyń  ata-analary men týǵan-týystary qatysty.

Elbasy N.Nazarbaev táýelsizdik alǵannan keıingi quqyqtyq tártipti qamtamasyz etýge jiti kóńil bóle otyryp, egemendik deklarasıasy jarıalanǵannan keıin nebári 26 kúnnen soń memleketimizde alǵashqy kúsh-qýat organy retinde İshki áskerdi qurǵan bolatyn.

- Ulttyq ulannyń jeke quramy alǵa qoıylǵan tapsyrmalardy laıyqty túrde oryndap, jeke adam men azamattyń konstıtýsıalyq quqyǵyn, qaýipsizdigin, qoǵam qundylyqtaryn, memleket turaqtylyǵy men tynyshtyǵyn qaýip-qaterlerden jan-jaqty qorǵaý jolyndaǵy jaýapty qyzmetti abyroımen atqaryp keledi. Búgin  Áskerı antty Ulttyq ulan sapyna elimizdiń Almaty jáne Atyraý oblysynan kelgen 80 jas jaýynger qabyldady. Áskerı ant qabyldaǵan sarbazdar jaýyngerli dástúrdi jalǵastyratynyna senimdimin,-deıdi 3660 áskerı bóliminiń komandıri podpolkovnık Tahır Islamov.

Ant qabyldaý - Otanyńa, halqyńa aqtyq demiń shyqqansha adal bolý, el basyna syn saǵat tússe, onda moıymaı kóterý, qajet bolsa, jan qıý degen sóz. Ant – adaldyq rýhy. Halqymyz «Anttan attaǵany – ardan attaǵany», - deıdi.

Iaǵnı, adamzat normalarynyń qalyptasqan shegi ar bolsa, ony buzý opasyzdyqqa jatady. Talaı ǵasyr halqynyń erkindigin syrtqy jaýlardan qorǵaǵan Qabanbaı, Bógenbaı, Naýryzbaı syndy batyr babalarymyzdyń, keshegi fashızmniń otyn óshirgen maıdanger atalarymyzdyń amanattaǵan Otanymyzdyń táýelsizdigin qyraǵy kúzetý - eń ulyq qyzmet.