WAF-2017 búkilálemdik sáýlet festıvaliniń uıymdastyrýshylary fınalǵa shyqqandardyń tizimin jarıalady. Short-paraqta 400 nysannyń aty jazylǵan, onyń qatarynda jaqynda ǵana paıdalanýǵa berilgen Astana vokzaly bar eken, dep habarlaıdy Qamshy.kz aqparat agenttigi Krysha saıtyna silteme jasap.

Úmitker ózge 13 júzege asyrylǵan jobalardyń ishinde «Kólik» nomınasıasy boıynsha usynylǵan.

Konkýrs talaptaryna saı, Tabanlioglu sáýlet búrosy qatań irikteýden ótip, aǵymdaǵy jyldyń kúzinde Berlınde ózderiniń jobalaryn usynbaq. Ádilqazy alqalary 15 jáne 17 qarashada bolatyn festıvál kezinde jeńimpazdyń kim ekendigin jarıalaıdy.

Atalmysh is-shara jyl saıyn ótip turady, sonymen qatar, bıyl olar 10 jyldyq mereıtoıyn toılaıdy eken. Belgili bolǵandaı, uıymdastyrýshylar bıyl myńnan asa usynys kelip túskendigin habarlaıdy.

WAF festıvalin, ádette, sáýlet oskary dep ataıdy. Satanatty rásim barysynda eń úzdik dep tanylǵan 30 jobany túrli nomınasıalarda marapattap, jalǵyz eń utymdy shyqqan bir jobany «Jyl ǵımaraty» tıtýlymen marapattaıdy. Fınalıster álemdik dańqqa jáne túrli preferensıalarǵa qol jetkizedi.

Esterińizge sala ketsek, Astanadaǵy jańa vokzaldyń qurylysy 2014 jyly bastalǵan bolatyn. Ol álemdik kórmeniń bastalýyna az ýaqyt qalǵanda, 2017 jyldyń mamyr aıynda aıaqtalyp, kópshilikke paıdalanýǵa berildi.

Atalmysh joba «Nurly jol» degen atqa ıe boldy. Ol Almaty aýdanyndaǵy Mustafın kóshesinde ornalasqan. Jalpy ǵımarat alańy 120 myń sharshy metrden asady jáne táýligine 35 000 jolaýshyǵa deıin qabyldaı alady.

Sholýshy: Nazerke Labıhan