Túrkıa Dinı qory (TDV) basshysynyń orynbasary Ismaıl Hakky Ozbaıdyń málimdeýinshe, TDV Qurban aıtta álemniń 135 eliniń muqtaj jandaryn etpen qamtamasyz etedi. Bul týraly Qamshy.kz aqparat agenttigi muftyat.kz málimetine súıenip habarlaıdy.
Onyń aıtýynsha, osy jyly 239 414 bas mal qurbandyqqa shalynyp, onyń eti Túrkıa men shet elderdiń muqtaj jandaryna, sondaı-aq, sırıalyq bosqyndarǵa taratylmaq.
Túrkıanyń ózinde maldy qurbandyqqa shalatyn 275 oryn ashylmaq, al 400 oryndy álemniń basqa 135 elinde ashýdy kózdep otyr.
Onyń aıtýyna qaraǵanda, 2017 jyly qurbandyq shalý rásimine 500 erikti qatysady.
«Bizdiń basty maqsatymyz – muqtaj jandarǵa járdem etý ári olarmen meıramdy bólisý», - dep atap ótti Ozbaı.
