Barselonadaǵy lańkestik áreketti atyshýly «Irak pen Levant lańkestik toby» moınyna aldy. Bul týraly Qamshy.kz aqparat agenttigi «Reıter» agenttiginiń málimetine súıenip habarlaıdy.

Keshe qalanyń ortalyǵynda shaǵyn avtobýsty tizgindegen er adam kóshedegi adamdardy qaqqan. Sońǵy málimet boıynsha, 13 adam ajal qushyp, 100-den astamy jaralanǵan. 15 naýqastyń jaǵdaıy aýyr. Qaza bolǵandar men japa shekkender arasynda 18 eldiń azamaty bar. Qastandyqqa qatysty 1 kúdiktiniń kózi joıylyp, ekeýi qamaýǵa alynǵany belgili. Al Ispanıada 3 kúndik aza tutý jarıalanǵan. Jergilikti bılik muny sońǵy 13 jylda jasalǵan eń qandy qyrǵyn dep atady. Tártip saqshylary qala turǵyndary men qonaqtaryn lańkestik bolǵan aýmaqqa jolamaýdy eskertti.

Barselonanyń týrısik ortalyǵyndaǵy oqıǵadan qaza bolǵandar men japa shekkender arasynda Avstralıa, Argentına, Aljır, Belgıa, Venesýela, Vengrıa, Germanıa, Gresıa, Fransıa, Ispanıa, Italıa, Qytaı, Kýba, Makedonıa, Nıderland, Perý, Rýmynıa jáne Soltústik Irlandıa azamattary bar. Ispanıa premer-mınıstri Marıano Rahoı terrorlyq áreketke baılanysty elde 3 kúndik aza tutýdy jarıalady.

Terakt nátıjesinde polısıamen eki adam ustaldy. Qazirgi ýaqytta basty kúdikti- Drıs Ýkabır Soprano. Osy er adamnyń qujattary adamdardy qaqqan kóliktiń ishinen tabylǵan. Alaıda kúdikti polısıa bólimshesine óz erkimen kelip qujattarynyń joǵalǵanyn málimdegen. 

Qazirgi ýaqytta polısıamen tergeý áreketteri júrgizilýde.