Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń memlekettik tapsyrmasy negizinde
Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy men «Qazaqstan KVN Odaǵy» respýblıkalyq jastar qoǵamdyq birlestigi birlesip, Til festıvali aıasynda halyqaralyq «Jaıdarman» oıynyn ótkizedi.

«Jaıdarman»  oıyndary  jastardyń shyǵarmashylyq alańy ǵana emes, qoǵamdaǵy túıtkil máselelerdi ázilmen astarlaı jetkizetin óner dodasyna aınalǵan jáne qazaqstandyqtar súıip kóretin televızıalyq joba retinde qalyptasty. «Jaıdarman» alańynyń mektep jasyndaǵy jetkinshektermen qatar stýdentterdi, jumysshy jastardy qosa alǵanda   200 myńǵa jýyq talanttylardy toptastyrǵany kóńil qýantady.

Búginde Prezıdentimizdiń rýhanı jańǵyrý jónindegi taǵdyrsheshti úndeýin jastarmen ushtastyrý maqsaty paıda boldy. Osy úndeýdegi – ulttyq sana, ulttyq biregeılikti saqtaý, bilimniń saltanat qurýy týraly bólimder – eń aldymen, qazaq jastaryna baǵyttalǵan ustazdyq aqyl men talap dep túsinemiz. Sonymen qatar jobanyń EXPO-2017 kúnderi kezinde ótkizilýi oń rezonans týdyratyndyǵyna senimdimiz.

Jobaǵa Qazaqstan, Reseı (qumyq, noǵaı, balqar, qarashaı, tatar, bashqurt, hakas), Mońǵolıa, Qytaı, Qyrǵyzstan, Ózbekstan (ózbek, qaraqalpaq), Ázirbaıjan elderinen  10-nan astam  komanda qatysady dep kútilýde.

Ótetin orny: Astana qalasy "Astana" konsert zaly

Bastalýy:      2017 jylǵy 25 tamyz  saǵ.: 18:30-de 

             Jobany «Qazaqstan» ulttyq arnasy efırinen kórsetý josparlanǵan.