Juma kúniniń qasıetti ekeninen barlyq musylman habardar. Alaıda ol kúni atqarylar saýapty ister týraly barlyǵy bile bermeýi múmkin. Bul týraly Qamshy.kz aqparat agenttigi islam.kz málimetine súıenip.
Endeshe solardy bir eske túsirip keteıik:
Juma namazǵa qatysý. Ábý Hýraıradan (r.a.) jetken hadıste Alla elshisi (s.a.ý.): “Kim juma kúni júniptikten ǵusyl alǵandaı quıynyp, sosyn namazǵa alǵashqy mezgilinde barsa, ol qurbandyqqa túıe soıǵandaı bolady, ekinshi merzimde barǵan qurbandyqqa bir sıyr soıǵandaı bolady, úshinshi merzimde barǵan qurbandyqqa múıizdi qoshqar soıǵandaı bolady, besinshi merzimde barǵan jumyrtqany qurbandyq qylǵandaı bolady, al ımam shyqqanda, perishteler zikir (sózderin) tyńdaýǵa keledi”, - degen.
Iissý jaǵý. Ábý Sǵıd ál-Hýdrı (r.a.): “Alla elshisiniń (s.a.ý.): “Juma kúni ǵusyl quıyný, tisin tazalaý jáne taba alsa ıissý jaǵý - árbir balıǵatqa jetkenge ýájip”, - dep aıtqanyna kýálik beremin”, - deıdi.
Eń jaqsy kıimderin kıý. Abdýllah ıbn Omar (r.a.): “Birde Omar ıbn ál-Hattab (r.a.) meshit qaqpasynyń aldynda jibek kıim (satylyp jatqanyn) kórip: “Ýa, Allanyń elshisi! Mynany satyp alsań qaıtedi, juma kúni jáne aldyńa ókilder kelgende kıer ediń”, - dedi. Sonda Alla elshisi (s.a.ý.): “Muny aqyrette nesibesi joq adam ǵana kıedi”, - dedi. Keıin Alla elshisine (s.a.ý.) odan birneshe kıim ákelindi de, ol Omar ıbn ál-Hattabqa onyń bireýin usyndy. Sonda Omar: “Ýa, Allanyń elshisi! Sen Ǵutarıdterdiń kıimine qatysty oıyńdy aıtqannan soń muny maǵan syılap tursyń ba?” – dedi. Alla elshisi (s.a.ý.): “Men saǵan ony kısin dep syılaǵan joqpyn”, - dedi. Sodan keıin Omar ıbn ál-Hattab Mekkedegi múshrik baýyryna tartý etti”, - degen. Osy hadısten baıqaıtynymyzdaı, er adamdarǵa jibek kıim kıýge bolmaǵanymen, juma kúni eń jaqsy kıimderin kıgeni abzal.
Tań namazynda “Sájde” men “Insan” súrelerin oqý. Ábý Hýraıra (r.a.): “Paıǵambar (s.a.ý.) juma kúni tań namazynda “Álıf. Lám. Mım. Túsirilgen...” – “Sájde” (súresi) men “Adamzatqa kelmedi me?” (súresin) oqıtyn”, - degen.
Juma namazyna jaıaý barý. Ábý Abas (r.a.) juma namazyna bara jatyp: “Men Paıǵambardyń (s.a.ý.): “Alla jolynda aıaǵy shań bolǵan adamdy Alla tozaq otynan tosady”, - dep aıtqanyn estidim”, - degen.
Kóp duǵa etý. Ábý Hýraıradan jetken hadıste Alla elshisi (s.a.ý.) juma kúnin aıta otyryp: “Onda bir ýaqyt bar, sol sátte musylman pende namaz oqyp, Alla taǵaladan bir nárse surasa, (Alla) oǵan (súraǵan nársesin) mindetti túrde beredi”, - dep, ol (ýaqyttyń) qysqa ekenine qolymen ıshara jasaǵan.
Nápil namazyn oqý. Ibn Omar (r.a.): “Alla elshisi (s.a.ý.) besin namazynyń (paryzynyń) aldynda eki rákaǵat jáne odan keıin eki rákaǵat, sham namazynan keıin úıinde eki rákaǵat, sondaı-aq quptan namazynan keıin de eki rákaǵat namaz oqıtyn. Al juma namazynan keıin (meshitten) shyǵyp ketkenshe namaz oqymaı, keıin (úıinde) eki rákaǵat namaz oqıtyn”.
