Astana EKSPO-2017 Halyqaralyq kórmesi Japon pavılonyna kelýshiler sany 16 tamyz kúni 500 000-nan asty. Kórme ashylýynyń alǵashqy kúnderinde kelýshiler sany shamamen 6000-ǵa jetken Japon pavılonynyń tamyz aıy bastalǵaly, kelýshilerdiń orta sany 8000-ǵa shaq keldi. Ár túrli elderdiń saıası jáne bıznes áleminiń sańlaqtary, kishiden bastap úlkenge deıin Qazaqstan turǵyndarymen birge álemniń túpkir-túkpirinen de kóptegen qonaqtar kelip jatyr dep habarlaıdy Qamshy.kz aqparat agenttigi.
Japon pavılonynyń 500 000-shy kelýshisi Qostanaı oblysy, Rýdnyı qalasynan kelgen Amangaraev Nurym jáne onyń otbasy boldy. Amangaraev Nurym pavılondy kórgennen keıin, kelesideı óz áserimen bólisti: «EKSPO kórmesin kórý úshin túngi poıyzben keldik. Japon pavılonyna osyndaı erekshe sátte kelgenimizge óte qýanyshtymyz. Japon pavılony jaıynda aıtatyn bolsam, oılaǵanymyzdaı Japonıa shynymen joǵary tehnologıalarǵa baı el ekenine kózimiz jetti».
Japon pavılonyna kelýshiler sany 500 000-nan asyp, Japon pavılonynyń dırektory Shıbamoto Hıdekadzý kelesideı sóz sóıledi: «Japonıanyń tanymal joǵary tehnologıalary týraly ǵana emes, japondardyń qorshaǵan ortaǵa degen qamqorlyǵy jáne tabıǵaty men mádenıeti jaıynda barynsha kóptegen adamdar bilse eken degen oıdamyz».
Astana EKSPO-2017 Halyqaralyq kórmesi 2017 jyly 10 maýsym (senbi) men 10 qyrkúıek (jeksenbi) aralyǵynda 93 kún Astanada ótedi. 115 memleket pen 22 halyqaralyq uıym atalmysh kórmeniń taqyrybyn ashatyn «Bolashaq energıasy» men mádenıetin tanystyratyn ekspozısıalaryn usynyp jatyr. Astana EKSPO-2017 Halyqaralyq kórmesine tolyǵymen 2 mln. 265 myń adam keldi (14 tamyz «Astana EKSPO-2017» Ulttyq kompanıasy málimetine sáıkes).
Japon pavılonynda «Smart Mix with Technology» taqyryby negizge alyna otyryp, Japonıa tehnologıalyq kúshimen búkilálemdik problemalardy sheshý úshin óz úlesin qospaqshy. Sonymen qatar, 2025 jylǵy Halyqaralyq kórme ótkizilý ornyna kandıdat Osaka qalasy jan-jaqty tanystyrylyp jatyr.
Keń ekrandy monıtorda kórsetiletin beıne men smartfon qosymshasymen baılanysqan ınteraktıvti qoıylym men kórsetilimi, ózge el pavılondary óz kórme mazmunyn orys tilinde tanystyryp jatqanda qazaq tilin negizgi til retinde kórmeni tanystyrǵan Japon pavılony kóptegen kelýshilerdiń joǵarǵy baǵasyna ıe bolyp otyr.
