Muhtar Shahanov óziniń atynan taralyp jatqan málimdemeni joqqa shyǵardy
 
Feısbýkte Muhtar Shahanovtyń feık paraqshasynan jalǵan aqparat taralǵany anyqtaldy
 
Belgisiz jeli qoldanýshylary feısbýk áleýmettik jelisinde halqymyzdyń biregeı tulǵasy, aıtýly aqyn Muhtar Shahanovtyń jalǵan paraqshasynan «Memlekettik til úshin ólýge de, sottalýǵa da bolady» degen mátindi paıdalana otyryp, feık aqparattar taratýda.
Osy máseleniń anyq-qanyǵyn bilý úshin jýrnalıs Arman Áýbákir aqynnyń ózimen tikeleı suhbattasqan. Suhbat barysynda Muhtar Shahanov óziniń atynan taraǵan aqparattyń jalǵan ekenin málimdep, áleýmettik jeli paıdalanbaıtynyn jetkizdi.
Qazaq tiliniń memlekettik til retinde qalyptasýyna zor úles qosqan aqyn, qoǵam qaıratkeri Muhtar Shahanovtyń atyn jamylyp jalǵan aqparat taratýshylar el aǵasynyń bedelin paıdalanyp, jasyna qaramastan, eshteńeden taıynbaı saıası tapsyryspen arandatýshylyq áreketter jasaýda.
Mundaı feık aqparattardyń negizgi maqsaty qoǵamǵa jik salý, jurtshylyqty bir-birine qarsy qoıý ekeni anyq.
Aıta keteıik, qasaqana jalǵan aqparat taratqany úshin elimizdiń zańnamasynda jaýapkershilik qarastyrylǵan. Iaǵnı, shyndyqty burmalap jarıalaǵandar men kórineý jalǵan aqparat taratqan azamattar ákimshilik nemese qylmystyq jaýapkershilikke tartylýy múmkin.