Memleket basshysy Barselonadaǵy lańkestik áreketke baılanysty Ispanıa koroli VI Felıpege kóńil aıtý jedelhatyn joldady. Bul týraly Qamshy.kz aqparat agenttigi Aqordanyń baspasóz qyzmetine silteme berip habarlaıdy.
Memleket basshysy terrorlyq akt saldarynan kóptegen adamnyń qaza bolǵany týraly habardy zor kúızelispen qabyldady.
«Qazaqstan beıbitshilik pen qaýipsizdikke qarsy baǵyttalǵan bul jantúrshigerlik áreketti qatań aıyptaıdy jáne terorızmmen kúreste jahandyq yntymaqtastyqty keńeıtýdi qoldaıdy», – delingen jedelhatta.
Nursultan Nazarbaev Qazaqstan halqynyń jáne jeke óziniń atynan qaza bolǵandardyń otbasylary men jaqyndaryna, barsha ıspan halqyna, sondaı-aq Ispanıa koroli VI Felıpege kóńil aıtyp, zardap shekkenderdiń tezirek saýyǵyp ketýine tilektestik bildirdi.
