Tyva respýblıkasynyń Qyzyl qalasynda "Qazaqkonserttiń" ónerpazdary el mereıin taǵy bir márte ústem etti dep habarlaıdy Qamshy.kz aqparat agenttigi "Qazaqkonsert" memlekettik konserttik uıymynyń baspasóz qyzmetine silteme jasap.

Dástúrli túrde jyl saıyn ótetin "Kómeı ánin oryndaýshylar festıvaline" bıyl Qazaqstan tarapynan "Nomad" etno-folklorlyq ansambli qatysqan. Japonıa, Norvegıa, Kanada, Fransıa, Ispanıa, AQSH, Hakasıa jáne taǵy da basqa elder festıválge qatysty. Barlyǵy 23 el baq synaǵan saıysta qazaqstandyq ónerpazdar "Eń úzdik ansámbldik súıemeldeý" atalymy boıynsha sýyrylyp alǵa shyǵyp, arnaıy dıplommen marapattaldy.

Tyvadaǵy "Hoomeı" ortalyǵynyń dırektory Igor Koshkendeı "Nomadtyqtarǵa" ózderiniń ulttyq aspabyn syıǵa tartty. Tyńdarmandardyń ystyq yqylasyna bólengen jerlesterimiz reseılik radıo, telearnalaryna tikeleı efırde suhbat berdi. Ansámbldiń kórkemdik jetekshisi Erlan Asqarbekovtyń habarlaýynsha, dástúrli túrde ótetin saıysqa Qazaqstan bıyl birinshi ret qatysyp otyr. Sondyqtan uıymdastyrýshylar, ózge qatysýshylar men kórermender tarapynan "Nomadty" tyńdaýǵa degen yqylasy erekshe boldy. Bizdiń ónerpazdar senimdi aqtap, kópshiliktiń ishinde erekshelene aldy. Elimizdiń mereıin arttyrǵan ujymǵa shyǵarmashylyq tabys tileımiz!