Almatyda qamaýdaǵy jýrnalıs Janbolat Mamaıdyń ústinen sot prosesi jalǵasyp jatyr. Sotta memlekettik aıyptaýshy prokýror Mamaıǵa resmı aıyptaý aktisin oqydy, dep habarlaıdy Qamshy.kz aqparat agenttigi Sentralasian.org saıtyna silteme jasap.
«Saıası qalam. Trıbýna» gazetiniń bas redaktory Janbolat Mamaıǵa qatysty «qylmystyq jolmen alynǵan aqshany zańdastyrý» isi boıynsha kýá retinde BTA banktiń basqarma tóraǵasynyń orynbasary bolǵan Jaqsylyq Jarymbetov shaqyryldy.
Sotta sóılegen Jarymbetov Mamaıǵa aqsha bergenin málimdedi. Onyń aıtýynsha, Mamaımen 2011 jyly Skype arqyly Áblázov tanystyrǵan. Ol «elge táýelsiz basylym kerek» degen sebeppen Mamaıǵa qarjylaı kómekteskenin aıtty.
Bıyl maýsym aıynda Almaty sotynda burynǵy BTA banktiń basshysy bolǵan Muhtar Áblázovtyń isi boıynsha Jarymbetov shartty túrde sottalǵan. Qańtar aıynda ony Túrkıadan Qazaqstanǵa ekstradısıalaǵan.
Tergeý isi boıynsha Mamaıdyń opozısıalyq saıasatker Muhtar Áblázov urlaǵan aqshany zańdastyrýǵa qatysy bar. Mamaıdyń ózi Áblázovqa qatysy baryn joqqa shyǵarady. Ózine taǵylǵan aıyptyń saıası astary bar deıdi.
