Ispanıalyq qalalardaǵy meshitter radıkaldy toptar tarapynan shabýylǵa ushyrady. Bul jaǵdaıǵa Barselona men Kambrılste bolǵan terakt sebep bolǵan dep habarlaıdy Qamshy.kz aqparat agenttigi Europa Press saıtyna silteme jasap.

Granadadaǵy ortalyq meshitke radıkaldy toptar shabýyl jasap, tútin granatasyn laqtyryp, ksenofobıalyq urandaryn búkil qalaǵa jar sala aıqaılaǵan. Bul ýaqytta meshitte birshama adamdar bolǵan. «Meshitti qarjylandyrǵan adam, terorızmdi de qarjylandyryp otyr. Bılik nege úndemeıdi?» – degen jazýy bar plakattar ustaǵan bir top adam meshittiń aınalasyn qorshap alǵan. Olardyń kópshiligi – qala jastary. Ereýilge shyqqandar musylmandardy «Islam memleketteri» terorıstik tobymen sybaılas dep taýyp, aıyp taqqan. «Myna tútin barlyq musylmandardy meshitten shyǵarsyn», – dep aıqaı salyp, tútin granatalaryn meshittiń ishine laqtyrǵan. Polısıa qyzmetkerleri oqıǵa bastalǵannan keıin, 15 mınýttan soń oqıǵa ornyna jetken.

Musylmandarǵa qarsy qorqytý sózder jazylǵan plakattar ustaǵan toptar Logronú meshiti men katolıktik qalalardaǵy Monblan, Fonda meshitteriniń janyna kóptep jınaldy.

Sonymen qatar, sıpandyq musylmandar Katalonıadaǵy terakt kezinde zardap shekken adamdardy eske alý rásimin ótkizgen. Jeksenbi kúni júzden asa adam astanadaǵy ortalyq alańǵa jınalǵan. Atalmysh aksıalar Ispanıanyń eki qalasynda, onyń ishinde Barselonada da ótti.

Dúısenbi kúni júzdegen Katalonıadaǵy musylmandar Barselonada terorızmge qarsy aýqymdy aksıa ótkizýdi kózdegen. Ispanıadaǵy Islamdyq komısıa músheleri bolǵan shabýyldy aıyptady.

Eldegi Islam Qaýymdastyǵynyń málimetine sáıkes, Ispanıa turǵyndarynyń 4%-y musylmandar.

Barselona men Kambrılste bolǵan teraktty «Islam memleketteri» terorıstik toby óz jaýapkershiligine alǵan bolatyn.