Jambyl oblysy Jambyl aýdandyq sotynda quqyq buzýshy M.-ǵa qatysty Qazaqstan Respýblıkasynyń Ákimshilik quqyq buzýshysy týraly kodeksiniń 669-babymen (sot úkimin, sot sheshimin nemese ózge de sot aktisin jáne atqarýshylyq qujatty oryndamaý) (mátin boıynsha ári qaraı QR ÁQBtK) ákimshilik isi qaraldy dep habarlaıdy Qamshy.kz aqparat agenttigi Jambyl oblystyq sotynyń baspasóz qyzmetine silteme jasap.

15.12.2015 jylǵy Jambyl aýdandyq sotynyń sot buıryǵyna sáıkes, boryshker M.-dan kámelettik jasqa tolmaǵan balalaryn asyrap baǵý úshin 14.12.2015 jyldan bastap barlyq tapqan tabysynyń 1/2 bóliginde alıment óndirilgen. Alaıda, M. sot buıryǵyn oryndaýdan jaltaryp, alıment tólemegen. Osynyń nátıjesinde onyń alıment boıynsha bereshegi 1 156 799 (bir mıllıon júz elý alty myń jeti júz toqsan toǵyz) teńgeni quraǵan.

Sot otyrysy barysynda, quqyq buzýshy M. kinásin moıyndap, aldaǵy ýaqytta alıment bereshegin tolyq tóleıtinin aıtty.

Sot qaýlysymen M.-ǵa QR ÁQBtK-niń 669-baby boıynsha 3 táýlikke ákimshilik qamaqqa alý túrindegi jaza taǵaıyndaldy.

Sot qaýlysy zańdy kúshine engen joq.