Memlekettik hatshy otyrysty ashyp, Qazaqstan Prezıdenti «Bolashaqqa baǵdar: rýhanı jańǵyrý» atty baǵdarlamalyq maqalasynda «sananyń ashyqtyǵyn» basty basymdyqtardyń biri retinde aıqyndap bergenin atap ótti. Gúlshara Ábdiqalyqova «Bolashaq» baǵdarlamasy sananyń ashyqtyǵyn arttyrýǵa septigin tıgizetinin aıtty dep habarlaıdy Qamshy.kz aqparat agenttigi Aqordaǵa silteme jasaı otyryp.

– Óskeleń urpaq álemniń úzdik jetistikterine ashyq ári beıim bolýǵa tıis. Prezıdenttik stıpendıa Qazaqstannyń qazirgi jastaryna bilim órisin keńeıtýge, álemniń jetekshi joǵary oqý oryndarynda oqýǵa, úzdik tájirıbelik mashyqtardy ıgerýge múmkindik beredi, – dedi Gúlshara Ábdiqalyqova.

Otyrys barysynda Bilim jáne ǵylym mınıstri E.Saǵadıevtiń «Bolashaq» halyqaralyq stıpendıasyn iske asyrý jónindegi normatıvtik quqyqtyq aktilerdi jetildirý týraly esebi tyńdaldy, sondaı-aq «Bolashaq» baǵdarlamasyn iske asyrýǵa qatysty birqatar másele qaraldy.

Komısıa sheshimimen magıstratýrada jáne doktorantýrada oqýǵa, sonymen qatar álemniń jetekshi ǵylymı ortalyqtarynda taǵylymdamadan ótýge jiberiletin 80 úmitkerge stıpendıa taǵaıyndaldy.

Memlekettik hatshy otyrysty qorytyndylap, «Bolashaq» halyqaralyq stıpendıasyn iske asyrý tetikterin odan ári jetildirý jáne tıimdiligin arttyrý jóninde birqatar tapsyrma berdi.