23 tamyz kúni Astanada Aqparat jáne Komýnıkasıalar mınıstri Abaevtyń qatysýymen «Qazaqstan» RTRK basshylyǵy korporasıanyń barlyq medıakktıvteriniń jańa maýsymyn jurtqa tanystyrdy dep jazady Qamshy.kz tilshisi. Jańa maýsymnyń tanystyrylýyna Qazaqstandaǵy BAQ ókilderiniń basshylary, ókilderi, saıasattanýshy jáne blogerler qatysty.
Tusaýkeserdi tanystyrǵan korporasıa basshysy Qarın AKM mınıstri Dáýren Abaevqa erekshe alǵys aıtty. «Birinshi kúnnen bastap telekorporasıanyń tyń jumysyna qoldaý kórsetip, bastama boıynsha talqyǵa salyp, aqyl-keńesin berdi. Kelip otyrǵan meımandarǵa da alǵysym zor. Jańa maýsym aıasynda birqatar jumystar júrgizilip jatyr. Sonyń eń basty baǵyttarynyń biri - rebrendıng jumysy bastaldy. Ol boıynsha kóp oılandyq, kóp talqyladyq. Biraq, álemdik televızıadaǵy jańa trendterdi, elimizdiń óz damýynda jańa kezeńge aıaq basqanyn eskere otyryp, Elbasymyzdyń bastamalaryn qolǵa alyp, korporasıanyń jumysyn jańartýdy bastadyq», - deıdi Erlan Tynymbaıuly.
Qazaqstan – Qazaqstan. Rebrendıng
28 tamyzda «Qazaqstan» teleradıokorporasıasynyń medıa resýrstarynda jańa maýsym bastalady. Jańa maýsym aıasynda teleradıokorporasıa quramyna enetin arnalar men radıolarda aýqymdy ózgerister oryn alady: rebrendıng júrgizilip, stýdıalar jańartylyp, jańa baǵdarlamalar efırge qosylady.
Rebrendıng barysynda - «Qazaqstan» korporasıasynyń medıaaktıvterine ortaq, tanymal logotıp bekitilip, reneımıng, redızaın jumystary júrgizildi. Jańa logotıp – korporasıa quramyndaǵy arnalar men radıostansıalardyń birtutastyǵyn bildiretin arnaıy belgi retinde – Qazaqstan Respýblıkasynyń Memlekettik Týy ispetti jasaldy. Jalpy jańa logotıp – korporasıanyń tehnologıalyq damýǵa umtylysyn, úlken medıa otbasy resýrstarynyń sabaqtastyǵyn bildiredi.
Logotıp jobasyn tanymal qazaqstandyq rejıser jáne dızaıner – Sáken Joldas daıyndady.
«ALTAY» men «QYZYLJAR-dan» «AQJAYIQ-qa» deıin
Jańa maýsymda korporasıa quramyna enetin 14 aımaqtyq arnalardyń ataýlary da ózgertiledi. Burynǵy «Qazaqstan – Aqtaý», «Qazaqstan – Shymkent», «Qazaqstan – Qaraǵandy» jáne t.b. degen sıaqty ataýlardyń ornyna, endi jekelegen, sol aımaqqa úırenshikti ataýlar engiziletin bolady. Mysaly Mangystau, Ontustik, Saryarqa jáne t.b. Bul ózgertýler aımaqtyq arnalarǵa ishki telenaryqta derbes jumys júrgizýge jáne aýdıtorıanyń keńeıýine baǵyttalǵan.
Odan bólek telearnalardyń grafıkalyq bezendirilýi, mýzykalyq-toptamalary jáne «Qazaqstan» Ulttyq arnasynyń resmı daýysy da ózgerdi.
Jalpy rebrendıngtiń basty maqsaty - korporasıanyń barlyq medıa aktıvterine tán, ulttyq dástúrdi áıgileıtin, korporasıanyń jańa álemdik standarttarǵa talpynysyn kórsetetin - birtutas tanymal belgi qurý.
Jańa maýsymda Qazaqstan Ulttyq arnasynda túrli baǵyttaǵy ondaǵan joba kórermenge jol tartady. Atap aıtsaq, «Jibek joly juldyzy», «Men qazaqpyn» halyqaralyq mýzykalyq megajobalary, ulttyq estradany nasıhattaıtyn - «Hit Qazaqstan» mýzykalyq án-sherýi jańa maýsymda efırge enedi. Oǵan qosa qoǵamdyq, ıntellektýaldyq baǵyttaǵy baǵdarlamalardyń sany artady. Búgingi zamannyń suranysyna saı keletin realıtı - shoý janryndaǵy baǵdarlamalar kórsetiledi. Kásipkerlikti nasıhattaıtyn - «Úmitker», tabıǵattyń tylsym kúshi men qudiretin kórsetetin - «24 saǵat tabıǵat qushaǵynda» ekshn realıtı-shoýy, otbasylyq qundylyqtardy dáripteıtin - «Ene men kelin».
Sonymen qatar, efırden birqatar derekti fılmder toptamasy da oryn alady: Qazaqstannyń kópshilikke beımálim tarıhy týraly áńgimeleıtin - «Kıeli Qazaqstan», sondaı-aq, elimizdiń áıgili adamdary jaıly syr shertetin - «Uly dala ulaǵaty». Rebrendıng aıasynda burynǵy baǵdarlamalardyń da formaty ózgeredi.
28 tamyzdan bastap, «Qazaqstan» Ulttyq arnasy - «Alma TV», «ID TV» sıaqty eldegi iri kabeldik operatorlar arqyly HD formatta habar taratatyn bolady.
