22 tamyzda QR Syrtqy ister mınıstri Qaırat Ábdirahmanov Japonıa Syrtqy ister mınıstriniń birinshi orynbasary Kadzýıýkı Nakaneni qabyldady dep habarlaıdy Qamshy.kz aqparat agentigi QR Syrtqy ister mınıstrliginiń baspasóz qyzmetine silteme jasaı otyryp.
Áńgime barysynda suhbattasýshylar QR Prezıdenti Nursultan Nazarbaevtyń 2016 jylǵy qarashada Japonıaǵa jasaǵan jáne Japonıa Premer-mınıstri Sındzo Abeniń 2015 jylǵy qazanda Qazaqstanǵa jasaǵan saparlary nátıjesi boıynsha qol jetkizilgen ekijaqty ýaǵdalastyqtardyń iske asyrylý barysyn talqylady. Eki eldiń saýda-ekonomıkalyq jáne ınvestısıalyq-tehnologıalyq salalaryndaǵy áleýetin ashýǵa erekshe nazar aýdaryldy.
Bıylǵy jyly atalyp otyrǵan dıplomatıalyq qatynastardyń ornaýyna 25 jyldyǵynyń mańyzdylǵyn ataı otyryp, suhbattasýshylar «keńeıtilgen strategıalyq áriptestik» rýhynda ekijaqty qatynastardyń barlyq spektorlary boıynsha, onyń ishinde Qazaqstan men Japonıanyń BUU Qaýipsizdik Keńesine músheligi aıasynda jáne «Ortalyq Azıa-Japonıa» dıalogy alańynda ǵalamdyq kún tártibiniń ózekti mindetterin sheshýde yntymaqtastyqty damytýǵa daıyndyǵyn rastady.
Kezdesý barysynda japondyq delegasıa basshysy Qazaqstannyń jáne jeke Prezıdent N.Nazarbaevtyń aımaqtyq beıbitshilik pen qaýipsizdikti ornatý isindegi halyqaralyq qyzmetine joǵary baǵa berdi, sondaı-aq japon tarapynyń 2025 jyly «EKSPO» Halyqaralyq kórmesin ótkizýge Osaka qalasynyń resmı ótinimine qoldaý kórsetý boıynsha ótinishin jetkizdi.
