Qazaqstanda 200-den astam «Altyn belgi» ıegerleri joǵarǵy oqý ornynda tegin oqý quqyǵynan aıyryldy. Bul týraly Qamshy.kz aqparat agenttigi KTK-ǵa silteme berip habarlaıdy.

Olardyń ata-analarynyń málimdeýinshe, Bilim mınıstrligi olardyń sertıfıkattaryn joqqa shyǵarǵan.

Abıtýrıentterdiń sózine qaraǵanda 200-den asa oqýshy tegin bilim alý múmkindiginen aıyrylǵan.

«Men – Nazarbaev mektebiniń túlegimin. Testileýden 122 bal jınadym. «Altyn belgi» ıegerimin. Maǵan Asfendıarov ýnıversıtetine túskenimdi habarlaǵan bolatyn. Al endi olar granttardy joıǵanyn aıtyp jatyr. Bul netken sumdyq!» – deıdi Asem Esmuratova esimdi abıtýrıent.

Atalǵan ýnıversıtette Bilim jáne ǵylym mınıstrliginiń buıryǵymen 220 granttyń kúshi joıylǵanyn aıtty. Alaıda onyń sebepteri naqtylanbaǵan. Olardyń 70-i S.Asfendıarov atyndaǵy medısınalyq ýnıversıtetke tıesili.

Osy másele jaıynda Bilim mınıstrliginiń ózinde tegin bilim berý sertıfıkattarynyń kúshin joıý týraly vedomstvada eshkim buıryq bermegenin jetkizgen.