Kaspi Bank urylar týraly aqparat bergenderge bes  mıllıon teńge beredi, dep habarlaıdy Qamshy.kz aqparat agenttigi banktiń baspasóz qyzmetine silteme jasaı otyryp.

«22 tamyz kúni Talǵar qalasyndaǵy Kaspi Bank bólimshesine qaraqshylyq shabýyl jasaýǵa qatysy bar qylmyskerlerdi ustaýǵa múmkindik beretin mańyzdy aqparatty usynǵandarǵa 5 mıllıon teńge syıaqy beriledi. Bul aqparatty banktiń Qaýipsizdik qyzmetine +7 747 388 29 34 telefony arqyly habarlaýǵa bolady», - dep jazylǵan habarlamada.

Eske sala keteıik ,22 tamyz kúni  Almaty oblysynyń Talǵar qalasynda ornalasqan Kaspi Bank bólimshesine qaraqshylyq shabýyl jasalǵan bolatyn. Shabýyl kezinde 60 mln. teńge qoldy bolǵan. Urylar bankte bir saǵat buryn ınkasasıa júrgizilgenin bilgen. Qaraqshylar ǵımaratqa shatyrdan enip, bank qyzmetkerlerine shabýyldaǵan.