BUU ókilderi Reseı bıligin rasızm jáne ksenofobıamen kúresti barynsha kúsheıtýge shaqyrdy. Onymen kúresýdiń bir tásili retinde ksenofob pikiri úshin saıasatkerlerge aıyppul salý usynyldy, dep habarlaıdy Qamshy.kz aqparat agenttigi Sentralasian.org saıtyna silteme jasaı otyryp.
BUU táýelsiz sarapshylar toby dúısenbi kúni Násiline qaraı kemsitýshilikti joıý jónindegi komıtetke arnaıy baıandamasyn tapsyrdy. Qujat avtorlary 2018 jyly Reseıde ótetin álem chempıonaty qarsańynda fýtbol jankúıerleriniń tártibine kóńil bólgen.
Soltústik Kavkaz jáne Ortalyq Azıadan shyqqandar Reseıde neoultshyldar men "kazaktar" tobynyń shabýylyna jıi ushyraıdy delingen baıandamada. Reseılik polısıa násildik belgilerine qarap ustaıdy dep esepteıdi BUU sarapshylary.
Máskeý adam quqyǵyn qorǵaýshylardyń baıandamasyn muqıat zertteýge ýáde berdi. "Interfaks" agenttiginiń Jenevadaǵy derekkóziniń málimdeýinshe, BUU qorytyndylary Reseıge qandaıda bir saıası mindet júktemeıdi.
