Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyna oraı Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tapsyrmasymen «Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» RMQK ústimizdegi jyldyń 5 qyrkúıeginde «tilmedia.kz» saıtyn iske qosady dep habarlaıdy Qamshy.kz aqparat agenttigi.

Aqparattyq qoǵamda ınternet keńistigin tıimdi paıdalanyp, memlekettik tildiń mártebesin kóterip, qoldanylym aıasyn keńeıtý maqsatynda iske qosylǵaly otyrǵan portal qazaq, orys, aǵylshyn tilderinde aqparat taratady. Aýdıo jáne vıdeo bloktarǵa negizdelip jasalǵan saıtta memlekettik tildi oqytýdyń ádis-tásilderi úsh tilde túsindiriledi. Bul saıttyń basty ereksheligi – elimizdegi vıdeoblok arqyly til úıretetin birden-bir saıt bolyp tabylady. Sondaı-aq, portal qoldanýshylary «Suraq-jaýap» aıdary arqyly kásibı mamandardan keńes alyp, tikeleı baılanys ornata alady.

Aıta keteıik, portaldyń mobıldi qosymshasy da bar.