QR İİM qazaqstandyqtardyń Brazılıada ustalýyna qatysty túsinikteme berdi dep habarlaıdy Qamshy.kz aqparat agenttigi Zakon.kz-ke silteme jasap.

QR İİM memlekettik til men aqparat departamentiniń dırektory habarlaǵandaı, 2017 jyldyń aqpanynda vedomstvoǵa Brazılıanyń San-Paýlý qalasynda Qazaqstannyń eki azamaty ustalǵany týraly aqparat kelip tústi. Onyń árqaısysynan 2 keliden esirtki tabylǵan.

«Esirtki tasymalyna basqa da Qazaqstannyń azamattarynyń qatysy bar-joǵyn anyqtaý úshin QR İİM QR SİM-men birlesip AQSH-tyń esirtkimen kúres Basqarmasynyń qoldaýymen TMD elderi men Latyn Amerıkasynda jedel izdestirý jumystaryn júrgizdi. Sonyń nátıjesinde, Konsevıch Evgenıa Aleksandrovna esimdi Qazaqstan azamaty ustaldy. Ol S.Mınevskaıa men K.Chernıkovany esimdi Qazaqstan azamattaryn almas buıymdaryn tasymaldaısyńdar dep aldap, Brazılıaǵa jibergen. Sol jerde olar ustaldy», – dedi Sadýbaev.

Tergeý jumystaryn júrgizý barysynda Evgenıa Konsevıchtiń Mınevskaıa men Chernıkovany aldaǵany dáleldendi. Sol úshin ol 6 jyl 8 aıǵa bas bostandyǵynan aıyryldy.

Osy jaǵdaıdan keıin San-Paýlý qalasynyń soty Mınevskaıany aqtady.

Sadýbaevtyń sózinshe, QR SİM Chernıkovaǵa qatysty da sot sheshimine shaǵym túsiretinin aıtty. Ol 7 jylǵa bas bostandyǵynan aıyrylǵan edi.