AQSH prezıdenti Donald Tramp AQSH pen Reseı arasyndaǵy qarym-qatynas bir qalypqa keledi dep senedi, dep habarlaıdy Qamshy.kz aqparat agenttigi Rıa novovstı saıtyna silteme jasaı otyryp.

«Reseımen qarym-qatynasymyz jaqsarady dep úmittenemin. Men muny jyldar boıy aıtyp kelemin. Eger Reseı men AQSH arasyndaǵy qarym-qatynas jaqsy bolsa, óte keremet bolar edi. Bolashaqta eki el arasy jaqsarady degen úmittemin, sebebi bul óte mańyzdy», – dedi Tramp Fınlándıa prezıdenti Saýlı Nıınıstemen bolǵan pres-konferensıada.

«Reseı – óte úlken memleket. Bul memleketpen biz jaqsy qarym-qatynas ornatýymyz kerek, túbinde buǵan da jetemiz dep oılaımyn. Búkil álem úshin bul qubylystyń máni zor ári álemde soǵysty toqtatý úshin osylaı bolǵany durys», – dep qosa aıtyp ótti.

Aıta keter bolsaq, Reseı men AQSH arasyndaǵy qarym-qatynas sońǵy jyldary tym nasharlap ketti. Oǵan 2016 jyldyń jeltoqsan aıynda ákimshiliktiń Barak Obamanyń Reseıge qarsy sanksıalar paketin qabyldaǵany jáne de AQSH-taǵy saılaýǵa Reseı hakerleriniń aralasýy sebep boldy. Sonymen qatar, AQSH eki turǵyn úı keshenine kirýge tyıym saldy – Nú-Iorktegi qala syrtynda ornalasqan Reseıdiń kotejderi men Vashıngtondaǵy Reseı elshiligi. Vashıngtondaǵy Reseı elshiligi – dıplomatıalyq jekemenshik bolyp tabylady.

Buǵan jaýap retinde Máskeýde AQSH dıpmıssıa quramyn Reseıde 755 adamǵa deıin qysqartý jaıynda bılik úkim shyǵardy. Osylaı AQSH elshiliginde jumys isteıtin adamdardyń sanyn AQSH dıpmıssıasynda qyzmet etetinderdiń sanymen teńestirdi.

Osydan keıin AQSH búkil Reseıdegi barlyq nımmıgranttarǵa 1 qyrkúıekke deıin vıza berý toqtatylǵandyǵyn habarlady.