Astanada «Astana Arena»  stadıonynda  QR Mádenıet jáne sport mınıstrligi, Astana opera teatry, «Samruk Kazyna Trust», «Eni» munaı kompanıasy, «La Scala» teatry qyzmetkerleri arasynda fýtboldan joldastyq kezdesý ótti dep habarlaıdy Qamshy.kz aqparat agenttigi.

«Astana Opera» Kýbogynyń birinshi  ornyn  QR Mádenıet jáne sport mınıstrliginiń komandasy ıelense, ekinshi oryndy «Astana opera» komandasy aldy, úshtikti «Samruk Kazyna Trust» qorynyń komandasy túıindedi. «Astana opera» teatrynyń qyzmetkeri eń úzdik qaqpashy ataǵyna qol jetkizdi. QR Mádenıet jáne sport vıse-mınıstri Asqar Batalov mınıstrliktiń atynan shyqqan komandanyń kapıtany boldy.

Júldegerler men jeńimpazdy QR Mádenıet jáne sport mınıstri  Arystanbek Muhamedıuly estelik medal jáne kýbokpen marapattady. Mınıstrdiń aıtýynsha, mundaı joldastyq kezdesýler bolashaqta dástúrli túrde ótkizilip turýy tıis.