QR bas prokýrory Jaqyp Asanov "Abý-Dabı Plaza" qurylys alańynda bolǵan tóbeleske qatysty pikir bildirdi, - dep habarlaıdy Qamshy.kz aqparat agentigi Tengrinews.kz-ke silteme jasap.
Qazir eki qylmystyq is qozǵaldy. Bireýi turmystyq janjal boıynsha, ekinshisi - jalǵan aqparat taratýǵa qatysty, - dep málimdedi ol Parlament palatalarynyń birikken otyrysynyń úzilisinde.
Al sheteldik jumysshylardy elden kóshirip jiberý týraly suraqqa ol bul máseleni sot shetetinin aıtty. "İsti sotqa joldaımyz, sonda sheshiledi", - dedi Asanov.
Al munyń aldynda QR densaýlyq saqtaý mınıstri Eljan Birtanov Astanadaǵy "Abý-Dabı Plaza" qurylys alańynda bolǵan tóbelesten zardap shekkenderdiń jaǵdaıy jaıly aıtyp bergen edi.
