Astana qalasyndaǵy Kórme álemniń barlyq memleketteri men aımaqtary úshin iri ekonomıkalyq áleýet jáne mańyzdy is-shara bolyp tabylady. EKSPO-2017 kórmesi iskerlik toptar men halyqaralyq deńgeıdegi uıymdar arasynda yntymaqtastyqtyń nyǵaıýyna yqpal etedi. Bul týraly is-shara barysynda ÓR Prezıdentiniń Memlekettik keńesshisi, Ózbekstan Jastar odaǵy Ortalyq keńesiniń tóraǵasy Kahramon Kýranbaev málimdedi. Onyń aıtýynsha, Ózbekstan memleketi saıası, saýda-ekonomıkalyq, ınvestısıalyq, kólik-kommýnıkasıalyq, mádenı-gýmanıtarlyq jáne energetıka salalarynda bolashaq damý boıynsha Qazaqstan Respýblıkasymen ekijaqty yntymaqtastyqtyń nyǵaıýyna úlken mán beredi dep habarlaıdy Qamshy.kz aqparat agenttigi.
Kahramon Kýranbaev: «Osyndaı aýqymdy is-sharaǵa qatysý Eýropa men Azıa, Batys pen Shyǵys aralyǵynda dıalogtyq seriktestiktiń nyǵaıýyna taǵy bir qadam bolyp tabylady. EKSPO-2017 Kórmesi energetıka salasyndaǵy ǵylymı-tehnıkalyq ázirlemeler men ozyq energıa únemdeıtin tehnologıalar zerttemelerin ornatý jáne osy saladaǵy basym baǵyttardy júzege asyrý boıynsha «jasyl energıanyń» jaǵymdy beınesin nyǵaıtýǵa múmkindik beredi», - dep atap ótti.
Qazaqstan Respýblıkasy Ulttyq ekonomıkasynyń birinshi vıse-mınıstri Rýslan Dalenov óz kezeginde Qazaqstan úshin Ózbekstan Respýblıkasynyń sońǵy jyldary ekonomıkanyń energıa men resýrstar syıymdylyǵyn tómendetý, energıa únemdeıtin tehnologıalarynyń óndirisi men eńbek ónimdiligin arttyrý úshin qoldanǵan birqatar sharalaryna erekshe qyzyǵýshylyǵyn tanytatynyn habarlady.
«Bolashaq energıasy» EKSPO-2017 taqyryby Ózbekstannyń 2017-2021 jyldar aralyǵanda jańartylatyn energetıkanyń aldaǵy damýy, ekonomıka jáne áleýmettik salalarynda energıa tıimdiligin kóterý boıynsha baǵdarlamalarynyń júzege asýymen tyǵyz baılanysty. Erekshe bıo-mobıl sıaqty sońǵy ınovasıalyq ázirlemelerdi usynatyn Ózbekstan ulttyq pavılony biregeı bolyp tabylady», - dedi QR Ulttyq ekonomıkasynyń birinshi vıse-mınıstri
Ózbekstan EKSPO-2017 kórmesine «Jastar - bolashaq energıasy» uranymen qatysady. Ózbekstan jastarynyń taza energıa jáne ekologıa, resýrstardy tıimdi qoldaný máselelerin sheshýge belsendi qatysýy oǵan aıqyn dálel bola alady. Respýblıka halyq sanynyń 64 paıyzdan astamyn 30 jasqa deıingi jastar quraıdy. ÓR Prezıdentiniń Memlekettik keńesshisi Kahramon Kýranbaev atap ótkendeı, eldiń damýyna yqpal etetin bul adamı áleýetti qadirleý kerek.
