1 qyrkúıekte Qazaqstan Respýblıkasynyń Ortalyq saılaý komısıasynyń respýblıkanyń barlyq óńirleri úshin elektorattyq oqytýdyń 150 trenerin daıarlaý jónindegi jobasy bastaldy dep habarlaıdy Qamshy.kz aqparat agenttigi. Oqytý semınary barlyq deńgeıdegi saılaý komısıalarynyń kadrlaryn jáne saılaý prosesiniń basqa da uıymdastyrýshylaryn odan ári oqytýdy júzege asyrý úshin trenerlik korpýsty kásibı daıarlaýǵa baǵyttalǵan.

Semınar eki kezeńde tikeleı-qashyqtyq nysanda oqytýdyń jáne bilimin baǵalaýdyń zamanaýı ınteraktıvtik ádisterin qoldaný arqyly uıymdastyryldy. Qashyqtyq kezeń qyrkúıek aıy boıy ótip, respýblıkanyń saılaý júıesiniń qoldanystaǵy zańnamalarynyń negizin zerdeleýge arnalady.

«Ortsaılaýkomnyń basymdy baǵyttarynyń biri retinde, biz respýblıkalyq deńgeıden jergilikti deńgeıge deıingi saılaý komısıalary kadrlarynyń kásibı biliktiligin arttyrý dep oılaımyz. Elektorattyq oqytýdyń 150 trenerin daıarlaý jobasy - saılaý komısıalarynyń múshelerin júıeli uıymdastyrý jónindegi alǵashqy qadam. Óńirlik saılaý komısıalaryndaǵy áriptesterimizdiń kásibı deńgeıine jańa talaptar qoıylady.

Trenerlerdiń basty mindeti - saılaý prosesin durys uıymdastyrýdyń negizderine úıretý, ózderiniń mindetteri men jaýapkershilik deńgeıin aıqyn túsiný», - dep atap ótti Ortalyq saılaý komısıasynyń hatshysy Sábıla Saparqyzy Mustafına.