2017 jyldyń 6 qyrkúıeginde «EKSPO-2017» halyqaralyq mamandyrylǵan kórmesin QR Ulttyq ulany 3660 áskerı bóliminiń 200-den astam jaýyngeri kelip tamashalady dep habarlaıdy Qamshy.kz aqparat agenttigi. Keshegi İshki ásker,búgingi Ulttyq ulan el táýelsizdiginiń alǵashqy kúninen bastap, turaqtylyq pen tynyshtyqtyń senimdi kúzetinde tur. Quqyqtyq tártip áskeri- tártip pen zańdylyqtyń, Konstıtýsıalyq qurylymnyń myzǵymas qorǵaýshysy bola bermek.
Ulandyqtardyń qataryn tolyqtyrǵan jas jaýyngerler Otan aldyndaǵy qasıetti boryshyn óteý úshin Astana qalasyna elimizdiń ár óńirinen shaqyrylǵan. Qasıetti qyzmettiń arqasynda Astana kóshelerin qorǵaýmen qatar, memleket kólemindegi mańyzdy shara – «EKSPO-2017» halyqaralyq kórmesin kórip qaıtýǵa múmkindik aldy.
- Men álem kólemindegi osyndaı kórmeni kórgenime qýanyshtymyn. Bul jerde «Bolashq energıasy» baǵytynda ár eldiń aıaq alysn baıqap kórýge bolady. Eń úlken ásker qaldyrǵan Japonıa, Qytaı, AQSH jáne Reseı elderiniń pavılıondary boldy. Barlyǵynan buryn úlken sfera pishindi bolǵan ózimizdiń «Nur Álem» pavılıony qatty unady. Osyndaı keń kólemdi sharany ótkizip jatqan eldi qorǵaý men úshin úlken abyroı,- dedi qatardaǵy jaýynger Baqdáýlet Nurman.
Aıtyp ótý kerek, bul kórme basshylyǵynyń qoldaýymen múmkin boldy. Endi, Otan aldyndǵy boryshyn ótep shyǵatyn jaýyngerler áskerdiń temirdeı tártibimen qatar, ózderimen birge «EKSPO-2017» kórmesi týraly estelikterdi alyp qaıtatyn bolady.
