Aqtóbe oblysy Hromtaý taý-ken tehnıkalyq kolejiniń 1-kýrs stýdenti oqý ornynyń dırektoryn sýyq qarýmen qorqytty. Qazir ol ýaqytsha tergeý ızolátoryna qamaldy, dep habarlaıdy Qamshy.kz aqparat agenttigi QazAqparatqa silteme jasaı otyryp.
Aqtóbe oblysy Hromtaý aýdanyndaǵy kolejde bilim alyp júrgen stýdent oqý jyly bastalǵan kezde oqytýshylarmen arazdasyp, ishki tártipke baǵynbaı, dırektordyń aldyna barǵan. Keıin qujattaryn surap, oqýdan birjola ketetinin málimdegen oqýshynyń ata-anasy orta arnaýly oqý ornyna shaqyryldy. Osy aralyqta oqýshy pyshaq alyp kelip, kolej dırektory Baǵdashjan Moldashevany qorqytady. Oqıǵa ornyna polısıa qyzmetkerleri dereý jetip, eshkim zardap shekken joq. Qazir osy oqıǵaǵa baılanysty qylmystyq is qozǵaldy.
«Hromtaý aýdanyndaǵy kolej oqýshysy ýaqytsha tergeý ızolátoryna qamaldy. Onyń ústinen Qylmystyq kodekstiń «Korqytý», «Bılik ókiline qatysty kúsh qoldaný» baptary boıynsha tergeý júrip jatyr», - dedi Aqtóbe oblystyq İİD baspasóz jetekshisi Nurgúl Qonaqbaeva.
Buǵan deıin habarlaǵanymyzdaı, oblystyq jergilikti polısıa qyzmetiniń bastyǵy Qanybek Jaqsyǵalıev mektep, kolej dırektorlaryn jınap, saqtyq sharasyn kúsheıtýdi tapsyrǵan bolatyn. Jıyn kezinde ol Hromtaý aýdanyndaǵy jasóspirimder qylmysy 9 ese artqanyn jetkizdi.
