Krasnodar aımaǵynyń tergeý organdary kezekti qandy qylmysqa qatysty tergeý jumystaryn júrgizýde. Kúdikti retinde Dmıtrıı jáne Natalá Baksheeva esimdi otbasylyq jup qolǵa túsken. 11 qyrkúıekte jóndeý jumystary júrip jatqan Repına kóshesinen jumyskerler uıaly telefon taýyp alǵan. Ol telefonnyń ishinde adamnyń dene múshelerimen – basy, qoldary – túsirilgen sýretterdi kórgen. Adam shoshyrlyq is-áreketti kórgen jumyskerler bul málimetti dereý quzyrly organdarǵa habarlaǵan, dep jazady Qamshy.kz aqparat agenttigi jergilikti BAQ-qa silteme jasap.

Polısıa qyzmetkerleri uıaly telefonnyń  35 jastaǵy Dmıtrıı Baksheevke tıesili ekendigin anyqtady. Qamaýǵa alynǵannan keıin kúdikti kinásin moıyndamaı, adamnyń denelerin Avıagorod aýdanyna taýyp alyp, jáı ǵana sýretke túskendigin aıtyp, sendirmek bolǵan.

12 qyrkúıekte uıaly telefon tabylǵan jerden dene músheleri bólshektelip tastalǵan áıeldiń máıitin taýyp alǵan. Onyń máıitin bólshektep, shelek pen palıeten paketterine salyp qoıypty. Sonymen qatar, oqıǵa ornyna jaqyn mańnan máıittiń sómkesi men jeke zattary tabyldy.

Tergeý organdary kúdiktilerdiń úıin tintip, kóptegen uıaly telefondardy quryqtaǵan. Belgili bolǵandaı, adam etin jeıtin juptyń qurbandaryna tıesili eken. Al tońazytqyshta adam etin jeıtin otbasylyq jup adamnyń denelerin bólshektep, paketke salyp, saqtap qoıypty. Sonymen qatar, olar adam etinen tamaqty qalaı daıyndaý kerektigin kórsetetin vıdeolar tabylǵan.

Tergeý barysynda tabylǵan sýretterdiń biri – 1999 jyl 28 jeltoqsanda jazylǵan qylmyskerlerge qatysty qujat olardyń qylmystarynyń aıqyn dálelin kórsetti. Berilgen faktige sáıkes, bul otbasylyq jup 20 jyldan beri adamdardy óltirip, olardyń etinjep kelgen.

Tergeý kezinde Natalá Baksheeva óz kinásin moıyndap, fotosýretten 30-dan astam qurbandaryn tanyp, aıtyp berdi. Onyń aıtýynsha, kúıeýi ekeýi adamdardy óltirip, keıin olardyń etimen qorektengen eken. Al olardyń qurbandaryna aınalǵan adamdardyń barlyǵy – izdeý salynyp, iz-túzsiz joǵalyp ketkender.

Belgili bolǵandaı, Natalá Baksheeva osy ýaqytqa deıin ushqyshtarǵa arnalǵan ýchılıshede medbıke bolyp qyzmet atqarǵan. Tergeýshiler kýrsanttarǵa adamnyń etin qosyp tamaq bergen dep boljaý jasady.

Krasnodar aımaǵynyń turǵyndary bul aqparatty dereý jan-jaqty taratyp, saq bolýǵa shaqyrdy. BAQ-ta kórsetilgen málimetterge sáıkes, adam etin jegish otbasylyq jup ýchılıshege tıesili jataqhanada turǵan.

Qazirgi ýaqytta qylmystyq iske qatysty tergeý jumystary jalǵasýda.