Rejıser Jánibek Jetirýov «Shyńyraý» fılminiń montajyn aıaqtap, túsirilimniń bitkenin aıtty,- dep jazady Qamshy.kz aqparat agenttigi.  Týyndy Ábish Kekilbaevtyń belgili povesiniń jelisimen túsirildi. Fılm QR mádenıet jáne sport Mınıstrliginiń tapsyrmasymen «Qazaqfılmde» montajdaldy. 

Fılmniń rejıseri Jánibek Jetirýov: «Ábish Kekilbaevtyń klasıkalyq shyǵarmaǵa aınalǵan povesiniń jelisimen túsirilgen bul fılm fılosofıalyq baǵytta jáne ol kóp adamdy qyzyqtyra alady. Kórkemdeý men akterlerdiń kıimderi  jáne rekvızıtterdiń barlyǵy qazaqtyń etnografıalyq bolmysyn ańǵartady. Drama men romantıkalyq sahnada óte sulý dala peızajynda túsirilgen fılmde Mańǵystaý óńiriniń kórkem jerleri men Kaspıı teńizi beınelengen. Oǵan qosa, qazaq dalasyna tán janýarlar kórsetilgen tarıhı fılm keń aýqymdy aýdıtorıaǵa sátti jol tartady degen úmittemin. Saraptamalyq qabileti damyǵan, klasıkany súıetin  kez kelgen jastaǵy adamǵa bul týynda aıtarlyqtaı qazaqty bolýy kerek. Ol adam oıyn keńite alatyn fılm kásipkerlerge de qarapaıym qara jumyskerge de paıdaly»,-dedi.

Rejıserdiń aıtýynsha, týyndy Mańǵystaýdy jan-jaqty kórsetilip, sol jerdiń turǵyndaryna  qanshama múmkindik baryn kórýge kómektesýge baǵyttalǵan.

Bul fılmdi ómirge ákelý barysynda  óte kóp jumystar jasaldy jáne fılmde óner kórsetýde 100-ge jýyq akter kastıngke qatysqan.

Kartınada ár-túrli kelispeýshilikter men ómirge degen kózqarastar, ýájder, otbasy aralyq janjaldar men adamnyń óz-ózimen arpalysýy jáne olardyń qoǵamǵa degen renishi sıaqty túrli baǵyttaǵy adamdar arasyndaǵy qarym-qatynastar beınelengen.

Týyndynyń basty keıipkerleri: qudyq qazatyn qara jumysshy Eńsep pen onyń kereń dosy Ospan jáne bir-birin súıetin Aqmonshaq pen Asylhan bar. Olardy Asylhan Tólepov, Aldabek Shalbaev jáne jas aktrısa Aıjan Jetirý somdaıdy.

Qazirgi kezde fılmniń kompúterlik grafıkasy jáne kompozıtor Arman Jaıym jasap jatqan mýzykalyq árleýi ǵana qaldy. Rejıserdiń aıtýynsha, fılmge tanymal kompozıtorlardyń klasıkalyq mýzykasy kóbirek aralasqan.