Lıvıada lańkester Mısrata qalasyndaǵy sot ǵımaratyna shabýyl jasap, 3 adam qaza tapty dep habarlaıdy Qamshy.kz aqparat agenttigi sheteldik BAQ-qa silteme berip. Taǵy 35-i jaralandy. Kýágerlerdiń aıtýynsha, keshenniń aýlasyna sodyrlar kólikpen kirip, bir lańkes ózin jaryp jibergen. Al ekeýi avtomattan oq jaýdyrǵan. Atys kezinde lańkesterdiń kózi joıyldy.

Shabýyldy «Irak jáne Levant» lańkestik uıymy moınyna alǵan. Áskerıler lańkester bul shabýyldy Mısrata jasaqtarynyń Sırt qalasyn azat etý operasıasyna qatysqany úshin jasaýy múmkin deıdi.

Aıta keteıik, Lıvıada Mýammar Kaddafı bıligi qulaǵannan keıin eldiń aýmaǵy bólshektenip, túrli qarýly toptar kóbeıdi. Al el astanasy Trıpolı aımaǵy halyqaralyq qaýymdastyq tanyǵan Faız Saradj basshylyq etetin Ulttyq kelisim úkimetiniń baqylaýynda. Biraq bul úkimettiń bıligi tek osy aýmaqpen ǵana shektelip otyr.