Almaty qalasynda «Almaty Invest 2017» Halyqaralyq besinshi ınvestısıalyq forýmy ótti, dep jazady Qamshy.kz aqparat agenttigi.

Almaty ákimi Baýyrjan Baıbek Almaty qalasyn týrıser úshin eń jaıly qala dep atady. Bul týraly Baýyrjan Baıbek Almaty qalasynyń besinshi ınvestısıalyq forýmynda málim etti.

Ákimniń aıtýynsha, osy jyly qalaǵa týrıserdiń kelýi 2 esege ulǵaıǵan, al qazaqstandyqtar arasynda Almaty qalasyna kelýshilerdiń sany 37%-ǵa artqan. Jalpy týrıser qalaǵa qyzyǵýshylyq tanyta bastady.

«Almatynyń turǵyndary óte belsendi. Tipti keıbir zertteýlerdiń nátıjesine súıensek, Almatyda eń kóńildi, aqjarqyn adamdar turady. Turǵyndardyń meıirbandyǵynyń arqasynda qalaǵa ár jyl saıyn týrıser aǵylyp kelip jatady. Almaty – Qazaqstandaǵy tabıǵaty jaǵynan da erekshe qalalardyń biri. Týrıserdiń kóptep kelýine qala tabıǵatynyń da áseri mol. Kóktemniń alǵashqy kúnderi tańǵa jýyq shańǵy teýip, kúndiz gólf oınap, keshke zamanaýı baletke barýǵa bolady. Almaty – múmkindikter qalasy. Almatylyqtar aqsha tabýdy da, demalýdy da, jaıly ómir súrýdi de jaqsy biledi», - dedi Baıyrjan Baıbek.

Aıta keter bolsaq, forým baǵdarlamasynda logıstıkaǵa, bilimge, tamaq ónerkásibine jáne kınoındýstrıaǵa arnalǵan 4 seksıanyń kózdelgen. Bul salalar qarqyndy túrde damýda jáne ınvestısıalar salýdyń keleshegi zor salalary bolyp esepteledi.

Sonymen qatar, buryn ótken forýmdarda 7,7 mlrd. teńgeniń 5 jobasy qazirgi kezde iske asyrylyp, 1230 jumys orny qurylǵandyǵy belgili boldy.

Almaty qalasy Kásipkerlik jáne ındýstrıaldy-ınnovasıalyq damý basqarmasynyń basshysy Maqsat Qıqymov «Almaty Invest» jyl saıyn óziniń alańynda bedeldi saıasatkerlerdi, álemdik jáne otandyq bıznes kóshbasshylaryn, ınvestısıalyq korporasıalar, qarjy ınstıtýttary jáne halyqaralyq uıymdar basshylaryn jınaıtynyn jetkizdi.

Osy jylǵy forým jumysyna álemniń 28 elinen keletin 500-den astam delegat qatysyp, is-sharany qazaqstandyq táýelsiz buqaralyq aqparat quraldarynyń negizin qalaýshylardyń biri bıznesmen Armanjan Baıtasov júrgizgen bolatyn. Forýmnyń basym mindeti sheteldik ınvestorlardy tartý, sondaı-aq iske asyrylǵan jobalarmen qatar, ınvestısıalar salýdy qajet etetin keleshek jobalardyń tusaý keserin kórsetý bolyp esepteledi.

Sonymen qatar, «Land Master Co., Ltd» Ońtústik Koreıa kompanıasymen 10 myń túp kóshet otyrǵyzyldy, kóshettik ashyldy, Moskva Metropolitan saýda ortalyǵynyń 2-shi kezegi iske qosyldy.

Forým sheńberinde Almaty qalasynyń ınvestısıalyq múmkindikter, jobalardy qarjylandyrýdyń jana tetikteri usynyldy. Sondaı-aq, kóliktik-logıstıkalyq ınfraqurylymdy, ulttyq ınovasıalyq júıeni, týrızmdi jáne jasyl ekonomıkaǵa kóshýdiń negizderin damytý máseleleri talqyǵa salyndy.

Forým barysynda birlesken jobalardy iske asyrý jáne tıisti kelisimder jasaýda bıznes ókilderi men ınvestorlardyń ózara is-áreket jasaýy úshin alań qurylatyndyǵy jaıynda aıtyldy.