Byltyr Qazaqstan isti bolǵan 8 sheteldikti óz elderine berýden bas tartty. Bul týraly Bas prokýrordyń orynbasary Marat Ahmetjanov aıtty, dep jazady Qamshy.kz aqparat agenttigi Habar 24 arnasyna silteme berip.
Ótken jyly bizdiń eldiń suraýy boıynsha 103 azamat Qazaqstanǵa qaıtaryldy. Al dál osyndaı jolmen 85 adam ózge elderge tapsyryldy. Búginde Qazaqstannyń 55 memleketpen quqyqtyq sharty bar. Aldaǵy ýaqytta taǵy birneshe elmen shart jasalmaq. Qazirgi ýaqytta 3 myńǵa tarta otandasymyz shetelde sottalǵan. Al 1 200-den astam sheteldik Qazaqstanda jazalaryn ótep jatyr.
Búgingi Senat otyrysynda depýtattar Qazaqstan men Serbıa arasyndaǵy sharttardy bekitý týraly zań jobalaryn qabyldady.
- Iordanıa, Brazılıa, Ýkraına, Saýd Arabıasy bar. Bul – úlgili sharttar. Quqyqtyq kómek kórsetý. Árbir elmen kelisken kezde ókiletti organdar bolady. Bizdiń búgingi taqyrypta – Bas prokýratýra. Árbir eldiń zańnamasyna sáıkes shartty jasaımyz. Ol elde, bizdiń elde jasalyp otyrǵan áreket qylmys bolyp tabylý kerek. Taǵy da basqa negizderi bar. Sol saqtalǵanda biz quqyqtyq kómekti kórsetemiz, deıdi , QR Bas prokýrorynyń orynbasary Marat Ahmetjanov.
Pikir qaldyrý