Nursultan Nazarbaev Qyzylorda qalasynda jalpaq shyny óndiretin jáne óńdeıtin zaýyttyń qurylysymen tanysty, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Memleket basshysy Qazaqstannyń ındýstrıalyq-ınnovasıalyq damý baǵdarlamasy arqyly salynyp jatqan zaýyttyń qurylysyn kórdi.

Sondaı-aq, Elbasy oblysta iske asyrylyp jatqan ınovasıalyq jobalar kórmesine bardy.

Sońynda Nursultan Nazarbaev zaýyt jumysshylarymen, jergilikti taýar óndirýshilermen jáne óńirde jumys istep jatqan sheteldik kompanıalardyń ókilderimen kezdesti.

- Elimizde ınvestorlardy tartý úshin qolaıly jaǵdaı jasaldy. Bul jumysty jalǵastyratyn bolamyz, - dedi Qazaqstan Prezıdenti.

Aıta keteıik, zaýyttyń óndiristik qýaty jylyna 197 myń tonna jalpaq shyny óndirýge jetedi. Bul ónim ishki naryqqa, sondaı-aq Reseı, Ózbekstan jáne Túrkıaǵa jetkiziletin bolady. Zaýyt 2018 jyly iske qosylady dep josparlanǵan.