Ál-Farabı atyndaǵy Qazaq ulttyq ýnıversıtetinde kórnekti memleket qaıratkeri, ádebıet synshysy, jazýshy-pýblısıst Saǵat Áshimbaevtyń 70 jyldyǵyna arnalǵan "Ulttyq ıntellıgensıa: qaryz ben paryz" Halyqaralyq ǵylymı-praktıkalyq konferensıa ótýde, — dep habarlaıdy Qamshy.kz aqparat agenttigi. 

Konferensıada ál-Farabı atyndaǵy QazUÝ rektory Ǵalymqaıyr Mutanuly sóz bastap, jastarǵa "Qaryz ben paryz" óleńin oqyp berdi. Sonymen birge qara shańyraq muraǵatynda saqtalǵan Saǵat Áshimbaevtyń qujattaryn qoǵam qaıratkeriniń jary Shárbaný Qonaqbaıqyzyna tabystady. 

Almaty qalasy ákiminiń orynbasary Arman Orazbaıuly qazirgi qazaq ádebıetindegi synnyń syn kótermeıtinin tilge tıek etip, Saǵat Áshimbaevtyń orny oısyrap turǵanyn aıtty. Qazaq ádebıetiniń synyna telejýrnalıstıkanyń qosqan úlesin aıtyp, "Qaryz ben paryz" telejobasynyń qoǵamda alǵan ornyn sóz etti.

QR Parlamenti Senatynyń depýtaty Qýanysh Sultanuly Saǵat Áshimbaevpen ótken kúnderdi eske alyp, synshynyń jastarǵa artqan senimin de eskertti. 

Sonymen qatar, konferensıada jazýshy Nurlan Orazalın men Smaǵul Elýbaı, ádebıet synshysy Qulbek Erkóbek qonaq bolyp, sóz sóıledi.

Jıyn sońyna qaqaraı ekonomıs, qoǵam qaıratkeri, májilis depýtaty, Qazaqstan Respýblıkasy Parlamenti Májilisiniń V shaqyrylymynyń Halyqaralyq ister, qorǵanys jáne qaýipsizdik komıtetiniń tóraǵasy Saǵat Áshimbaevtyń uly Máýlen Saǵathanuly Áshimbaev uıymdastyrýshylarǵa óz alǵysyn bildirdi. 

Saǵat Áshimbaev atyndaǵy stıpendıa ıegeri, QazUÝ jýrnalısıka fakúltetiniń 3-kýrs stýdenti óziniń arnaý óleńin oqydy.