«Qazaqstan» TRK basshysy Erlan Qarınniń aıtýynsha, búginde telearna basshylarynyń bári kórermenniń sanyn kóbeıtýdi kózdeıdi. Alaıda úlken bir problema bar. Ol - jastardyń ınternette jıi otyratyny. Sonyń saldarynan teledıdardyń aýdıtorıasy da azaıyp otyr, dep xabarlaıdy QazAqparat-qa silteme berip Qamshy.kz aqparat agenttigi.

«Jastar qazirgi baǵdarlamalardy kórmese, biz sonyń bárin kim úshin shyǵaryp jatyrmyz? Ne úshin shyǵaryp jatyrmyz? Olar barlyq aqparatty tek ınternetten izdeı bastady. Endi, olardy teledıdardyń aldyna qalaı tartamyz? Menińshe, bizge ınternet pen teledıdardyń ortaq taqyryptaryn shyǵarý qajet. Interaktıvti, keri baılanys bolýy kerek. Mysaly, biz ulttyq arnadan jańa baǵdarlamany ashýdy sheshtik. Aýdıtorıaǵa mynandaı usynyspen shyqtyq, kez kelgen adam ulttyq arnanyń tilshisi bola alady. Ol úshin aýylda bolsyn, qalada bolsyn jańalyqty uıaly telefonǵa túsirip, bizge jiberý múmkindigin ashtyq. Artynan bunyń bári baǵdaralamada kórsetiledi», - dedi Qarın búgin Óńirlik BAQ forýmynda.

Korporasıa basshysynyń aıtýynsha, búginde teledıdar men ınternettiń kún tártibi kóp jaǵdaıda sáıkes kele bermeıdi. Teledıdarda bir másele kóterilse, ınternette múldem basqa máseleler talqylanyp jatady.

Aıta keteıik, búgin Astanadaǵy "Qazmedıa" ortalyǵynda Óńirlik BAQ forýmy ashyldy.  Sol jerde mınıstr Dáýren Abaev Óńirlik BAQ alásynyń nemen aınalysatynyn aıtyp berdi.  Al QR Parlament Májilisiniń depýtaty Saýytbek Abdraxmanov qazaq tilindegi saıttarda traıbalızmniń kúsheıip jatqanyna óz alańdaýshylyǵyn bildirdi.