Karıb baseıninde «Neıt» dep atalatyn taǵy bir alapat daýyl soǵyp, dúleı jelden Ortalyq Amerıkadaǵy Nıkaragýa men Kosta-Rıka elinde 22 adam qaza tapty.Taǵy 15 turǵyn joǵalyp ketken. Bul týraly Qamshy.kz aqparat agenttigi sheteldik BAQ-qa silteme jasap habarlaıdy. Kosta-Rıkada tótenshe jaǵdaı jarıalanyp, 3 myń adam qaýipsiz jerge kóshirildi.
Joıqyn daýyl nóserge ulasyp, eldi mekenderdi sý basyp jatyr. Temirjoldaǵy qatynas toqtatylyp, júzdegen áýe reısi keıinge shegerildi. Mamandar dúleı jeldiń AQSH aýmaǵyna bet alǵanyn aıtady. Ol aldymen Iýkatan jarty aralyna, sodan keıin Florıda, Lýızıana jáne Alabama shtatyna soqsa kerek. Qazir bul aımaqtarda qaýiptiń aldyn alýǵa qam-qareket jasalyp jatyr.
