Aqtóbe oblysynyń ákimi Berdibek Saparbaev sý qoımalaryn aralaýǵa shyqqan kezde jańa joldyń sapasyn synady, — dep habarlaıdy Qamshy.kz aqparat agenttigi. Bir shaqyrymdaı bolatyn qashyqtyqqa 17 mln. teńgege jol salǵyzǵanyn maqtanyshpen aıtqan shendi ákimnen sógis aldy.
«Mynaý jol ma? Bul erteń-aq shashylyp qalady. Qarańdar, mynaý jaramaıdy. Meniń aıaǵymmen basqannyń ózinde úgitilip jatyr», — dedi Berdibek Saparbaev.
Ákim joldyń sapasyn qolymen ustap ta kórdi.
Sý sharýashylyǵy mekemesiniń dırektory Bekzat Nametov bolsa joldyń sapasy qalypty dep aıtýdan tanbady. Aqtóbedegi sý sharýashylyǵyn 30 jyldan beri basqaryp kele jatqan basshy jańa jolmen mashına júrmeıtinin de aıtty, alaıda Beodibek Saparbaev onyń sózine sene qoımady.
«Bul jol osylaı turady. Mashına júrmeıdi, tek adam júredi. Bul joldan tek jeńil mashınalardy ǵana ótkizemiz», — dedi Aqtóbe sý sharýashylyǵy mekemesiniń dırektory Bekzat Nametov.
