RF premer-mınıstri Dmıtrıı Medvedev terorızmdi jeńý úshin álemniń búkil elderi kúsh biriktirýi qajet ekendigin aıtty, dep habarlaıdy Qamshy.kz aqparat agenttigi Rıa novostı saıtyna silteme jasaı otyryp.
«Barlyq elder ózderiniń ishki alaýyzdyqtary men keleńsizdikterin shetke ysyra turyp, DAISH jáne ózge de terorıstik toptardyń kózin qurtý úshin kúsh biriktirýi qajet», - deıdi Medvedev.
Onyń aıtýynsha, terorızmniń búkil álemge keńinen taralýy – óte úlken qater.
«Olarǵa tek biriksek qana qarsy tura alamyz. Múmkin bolǵan kúshterdiń barlyǵyn biriktirip, halyqaralyq quqyqqa súıene otyryp birlese jeńýimiz qajet», - deıdi RF premeri.
Aıta keter bolsaq, DAISH terrorıster tobynan Sırıanyń basym bóligi azat etildi degen aqparat taraǵan bolatyn.
