Aqparat jáne komýnıkasıalar mınıstri Dáýren Abaev óziniń Býenos-Aırestegi jumys saparynda Elektr baılanysyn damytý boıynsha búkilálemdik konferensıa sheńberinde ekijaqty kezdesýler ótkizdi, dep jazady Qamshy.kz aqparat agenttigi. 

Mınıstr 8 qazanda Halyqaralyq elektr baılanysy odaǵynyń Bas hatshysy H. Djaomen kezdesti. Kezdesýde Qazaqstannyń aýyldyq eldi mekenderin optıkalyq-talshyqty jelilermen qamtý máselesi talqylandy.

Sonymen qatar, D. Abaev Japonıanyń İshki ister jáne komýnıkasıalar mınıstrliginiń Úılestirý jáne halyqaralyq baılanys jónindegi vıse-mınıstri Masahıro Tomınagamen kezdesti. Ekijaqty kezdesý barysynda aqparat, aqparattyq-kommýnıkasıalyq ınfraqurylym jáne ınternettegi zańsyz kontentke qarsy turý máseleleri talqylandy. 

«Japonıa – buqaralyq aqparat quraldaryn damytý salasynda mol tájirıbesi bar eldiń biri. Ásirese bizdi Japonıanyń osy saladaǵy zańnamasyn damytý joldary qyzyqtyrady. Búgin Japonıanyń telekontenti álemde AQSH-tan soń 2-shi orynda tur. Sondaı-aq biz Japonıanyń sıfrlyq habar taratý salasyndaǵy tájirıbesimen de tanysqymyz keledi», – dedi mınıstr D. Abaev.