Elge oralyp, Taraz qalasynan «Yqtıar hat» alǵan qandastarymyzdyń basy daýǵa qalǵanyn habarlaǵanbyz. Deldaldardyń quryǵyna ilingen 251 adam  ne Qazaqstannyń azamattyǵyn ala almaı, ne Qytaıǵa bara almaı ábden qınalǵan bolatyn.

 Osy máselege baılanysty 9 qarashada Jambyl oblystyq İİD basshysynyń tapsyrmasy boıynsha, Taraz qalasynda 251 qandastyń máselesi boıynsha dóńgelek ústel ótti.  Osy jıynǵa «Yqtıar hat» daýyna ilikken 30-dan astam qandasymyz bardy. Bul týraly Qamshy.kz aqparat agenttiginiń tilshisi habarlaıdy.

Taraz qalasyna barǵan kezde qýanyshty habardy estip, tóbemiz kókke jetkendeı qýandyq. Jambyl oblystyq İİD basshysynyń orynbasary Báıisov Rýslan Ábdiǵapparulynyń habarlaýy boıynsha, qandastarymyz óz turatyn eldi-mekennen azamattyq ala alatyn boldy. Sol sáttegi qandastarymyz ben janashyr azamattardyń qýanyshyn sózben jetkizý tipten múmkin emes. Tarazdan qaıtqan kezde qandastarymyzdyń ánurandy birge shyrqaýynan-aq olardyń týǵan elge, Otanǵa degen aıryqsha sezimin, ystyq yqylasyn baıqaýǵa bolady. Endigi kezekte olarǵa qajetti qujattardy jınastyryp, azamattyǵyn alý ǵana qaldy. 

Aıta keterligi deldalǵa urynǵan 251 etnıkalyq qazaq qazirgi ýaqytta ár jerde júr. Sony paıdalanǵan keıbir "qutqarýshy" deldaldar qandastarymyzdyń qaltasyn taǵy qaǵýy múmkin. Sondyqtan Tarazdaǵy «Yqtıar hat» daýyna qatysty 70-80 adamnan quralǵan  top bar ekenin esterińizge salamyz. Atalǵan toptyń uıymdastyrýshysy — Baqyt Qurmash esimdi azamat. Eger qandaıda bir suraqtar boıynsha jaýap alǵysy kelgen azamattar bolsa  tómendegi nómirge habarlasýyn suraımyz.

Baqyt Qurmash: 87077831527; 87788831527