QR Ulttyq qaýipsizdik komıteti Memlekettik shekaranyń barlyq perımetri boıynsha, onyń ishinde qazaq-qyrǵyz ýchaskesinde josparly shekaralyq operasıa júrgizip jatyr, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Operasıanyń maqsaty - shekara keńistiginde zańǵa qaıshy áreketterdiń, terorıstik, kontrabandalyq jáne ózge de qylmystyq is-qımyldyń jolyn kesý, shekaralyq rejımniń jáne kóshi-qon zańnamasynyń saqtalýyn qadaǵalaý. Osyǵan oraı shekaradan ótetin tulǵalardy, kólik quraldary, júkter men taýarlardy tekserý kúsheıtildi. Sonymen birge, shekarany ótýge qandaı da bir shekteýler men tyıymdar salynǵan joq. UQK Shekara qyzmeti bólimsheleri jáne áskerı qyzmetkerleriniń is-áreketi Qazaqstan jáne shetel azamattarynyń quqyqtary shektelmeı, qatań zańnama sheńberinde iske asyrylyp jatyr", - dep habarlady QR UQK baspasóz qyzmetindegiler.

Eske sala keteıik, osyǵan deıin Qazaqstan-Qyrǵyzstan shekarasynda birneshe shaqyrymǵa sozylǵan keptelis bolǵany habarlanǵan edi. "Qyrǵyz Respýblıkasynda prezıdent saılaýyna daıyndyq jáne saılaýdyń ótýine baılanysty Qyrǵyzstannyń Memlekettik shekara qyzmeti kúsheıtilgen rejımge ótti", - degen edi Qyrǵyzstannyń shekara qyzmetindegiler.