Birneshe almatylyq boıjetken polısıa qyzmetine aqshalaryn jymqyryp, joǵalyp ketken erkektiń ústine aryzdandy,- dep Qamshy.kz aqparat agenttigi Patrul.kz saıtyna silteme jasap habarlaıdy.

«Áıel qulaqpen súıedi degen» maqaldy almatylyq qyzdar taǵy da dáleldedi. Súıgenine qosylyp, otbasyn quryp, bala súıýdi armandaǵan birneshe almatylyq qyz ár nársege bir nana bermeý kerek ekendigin ózderiniń ómirlik tájirıbesinen kórdi. Tartymdy er azamat olarmen tanysyp, az ýaqyt arasynda otbasyn qurýǵa daıyn ekendigin bildirgen. Sóziniń jany bar ekendigin ańǵartý maqsatynda qyzdardy otbasymen tanystyrǵan. Oǵan qosa, qymbat dámhanalar men barlarda kóńil kóterý de tys qalmaǵan. Alaıaq ózin laýazymy joǵary azamat retinde ustaǵan.

Osyndaı tásildermen erkekke aldanyp qalǵan qyzdar, mıllıondaǵan qarjyny ár túrli ótirikterge senip tabystap otyrǵan. Máselen, erkek olarǵa «laýazymdy jumysqa turǵyzamyn, úı, kólik satyp alamyn» dep aqsha suraǵan.

Ózine kerekti somany alǵan erkek tasadan tys joǵalyp ketip otyrǵan. Ózderiniń aldanyp qalǵanyn bilgen qyzdar polısıaǵa aryzdanǵan. Bul qylmys boıynsha, 6 is qozǵalǵan. Olar Almaly jáne Áýezov aýdandyq İİD –de tergelýde.

Kúdiktiniń esimi Talǵat Apýshev, eger osyndaı jaǵdaıda aldanǵandar bolsa polısıaǵa habarlasýdy suraımyz.