Qyrǵyz Respýblıkasynyń premer-mınıstri S.Isakovtyń 2017 jyldyń 11 qazanynda Facebook áleýmettik jelisiniń jeke paraqshasynda qyrǵyz-qazaq memlekettik shekarasyndaǵy aǵymdaǵy jaǵdaı boıynsha óziniń Qazaqstan Respýblıkasynyń Prezıdentimen kelissózderi týraly aqparatyna qatysty birqatar BAQ-tyń saýaldaryna baılanysty QR premer-Mınıstriniń baspasóz qyzmeti resmı túrde málimdeıdi, dep Qamshy.kz aqparat agenttigi QR Premer-Mınıstriniń resmı saıtyna silteme jasap habarlaıdy.
Birinshiden, Sochıde (RF) Joǵary Eýrazıalyq ekonomıkalyq keńes otyrysynyń aıasynda Qazaqstan Prezıdenti men Qyrǵyzstan Premer-Mınıstriniń kelissózderi ótkizilgen joq. S.Isakov myrzanyń jeke Facebook paraqshasynda ornalastyrylǵan fotosýrette rastalǵandaı, onyń bizdiń Elbasymyzǵa jaqyndap kelýi ǵana oryn aldy.
Ekinshiden, Qazaqstan Prezıdentiniń «shekarada týyndaǵan barlyq máselelerdi sheshý boıynsha Qazaqstan Úkimetine tapsyrma bergendigi» týraly aqparat shyndyqqa janaspaıdy. Aqıqatynda, Úkimetke atalǵan másele boıynsha úkimetaralyq konsýltasıa ótkizý týraly tapsyrma berildi.
Budan buryn qazaqstandyq BAQ-ta habarlanǵandaı, qazirgi kezde Qazaqstan Respýblıkasynyń UQK Shekara qyzmeti qazaqstandyq İİM, memlekettik kirister jáne kóliktik baqylaý komıtetterimen birlese otyryp, elimizdiń memlekettik shekarasynyń barlyq perımetri boıynsha, onyń ishinde qazaqstandyq-qyrǵyz aýmaǵynda da josparly shekara operasıasyn júrgizýde. Shekaradan ótetin jeke tulǵalardy, kólik quraldaryn, júkter men taýarlardy tekserýdi kúsheıtý sharalary qoldanystaǵy zańnama sheńberinde qazaqstandyq jáne sheteldik azamattardyń quqyqtaryn shekteýsiz júrgizilýde. Shekarany kesip ótý úshin eshqandaı shekteý nemese tyıym salynyp jatqan joq.
Josparly shekara operasıasynyń basty maqsaty – shekaralyq keńistiktegi quqyqqa qarsy áreketterdiń aldyn alý, terorıstik, kontrabandalyq jáne basqa da qylmystyq áreketterge qatysy bar tulǵalardy anyqtaý, shekara tártibi men kóshi-qon zańnamasynyń saqtalýyn tekserý.
Óz kezeginde Qyrǵyz Respýblıkasynyń Shekara qyzmeti Qyrǵyzstan Prezıdenti saılaýyna daıyndyq jáne ony ótkizý kezeńinde shekaralyq baqylaýdyń kúsheıtilgen tártibine kóshti.
Qazaqstan Respýblıkasy Premer-Mınıstriniń Baspasóz qyzmeti burmalanǵan aqparattyń taratylýyna resmı túrde túsinbestik bildiredi jáne óziniń shynaıy aqparat berý máselesinde kez kelgen BAQ-pen yntymaqtastyqqa ashyqtyǵyn rastaıdy.
