Almaty qalasy Bostandyq aýdany ákimdik apparatynyń qoldaýymen 12 qazanda Ortalyq Azıa ýnıversıtetinde belgili qoǵam qaıratkerleri, tarıhshylar jáne atalmysh oqý ornynyń stýdentteriniń qatysýymen latyn álipbıine kóshi máselesin talqylaýǵa arnalǵan jıyn ótkizildi, dep habarlaıdy Qamshy.kz aqparat agenttigi.
Qazirgi tańda qoǵamda qyzý talqylanyp júrgen búgingi kún tártibiniń eń basty máselesi retinde qazaq tilin latyn qarpine kóshirý máselesin aıtýǵa bolady.
Elbasy óziniń «Bolashaqqa baǵdar: rýhanı jańǵyrý» atty baǵdarlamalyq maqalasynda: «Qazaq tilin latyn álipbıine kóshirý jumystaryn bastaýymyz kerek. Biz bul máselege neǵurlym dáıektilik qajettiligin tereń túsinip, baıyppen qarap kelemiz jáne oǵan kirisýge Táýelsizdik alǵannan beri muqıat daıyndaldyq», - dep atap ótken bolatyn.
Búgingi ótken is-shara Elbasynyń osy máselege qatysty arnaıy qurylǵan respýblıkalyq jumys tobyn qadaǵalaǵan kezde atalǵan máseleni halyq arasynda talqylap, kópshiliktiń pikirin eskerý qajet degen tapsyrmasy boıynsha atalmysh oqý orynynyń stýdentterimen latyn álipbıine kóshý máselesin talqyǵa salyp, jastardyń pikirin saralaý maqsatynda uıymdastyryldy.
Bostandyq aýdany İshki saıasat bóliminiń basshysy Bekzat Qalıuly mundaı jıyndardyń óte mańyzdy jáne de bolashaqta bular áli jalǵasyn tabatyndyǵyn aıta otyryp, latyn álipbıi qazirgi tańda qoǵamda eń kóp talqylanyp jatqan ózekti másele ekendigin aıtyp ótti.
«Búgingi is-shara Bostandyq aýdany ákimdik apparatynyń uıytqy bolýymen uıymdastyrylyp otyr. Qazirgi qoǵamda qyzý talqylanyp jatqan qazaq alfavıtin latyn qarpine kóshirý máselesi bolyp otyr. Bul jaıynda Prezıdent jyldyń basynda shyqqan «Bolashaqqa baǵdar: rýhanı jańǵyrý» baǵdarlamalyq maqalasynda aıtqan bolatyn. Osyǵan oraı, Bostandyq aýdanynda ár túrli mekemelerde, ýnıversıtetterde, halyq arasynda eldiń pikirin bilý maqsatynda túrli is-sharalar, jıyndar ótkizilip, jan-jaqty talqylanyp jatyr», - deıdi Bekjan Qalıuly.
Sonymen qatar, İshki saıasat basqarmasynyń basshysy Elbasyǵa tanystyrylǵan latyn álipbıiniń jobasy jaıynda da óz pikirin aıtyp, ony paıdalanýǵa qolaıly dep atap ótti.
«Jýyrda ǵana latyn qarpine kóshý máselesine jaýapty respýblıkalyq jumys toby Elbasyǵa sońǵy nusqany tanystyrǵan bolatyn. QR Prezıdenti óz sózinde «halyqtyń pikirimen sanasyp, eldiń kóńilinen shyǵatyn nusqasyn qabyldaý kerek» dep aıtqan bolatyn. Búgingi jıyn da osy maqsatta ótkizilip jatyr. Jáne de mundaı jumystar aldaǵy ýaqytta óz jalǵasyn tabatyn bolady», - deıdi Bekjan Qalıuly.
Búgingi jıynda stýdentter osy is-sharaǵa qatysqan mamandarǵa ózderiniń saýaldaryn joldap, latyn álipbıiniń nusqalary jaıynda birshama málimet aldy.
Nazerke Labıhan
